<b>सलमान खांन,भैरहवा,२९ चैत ।</b>
उद्योगी व्यवसायीहरुले मुलुकको अर्थतन्त्र पराधीन बन्दै जानुमा राज्य नै मुख्य जिम्मेवार भएको गुनासो गरेका छन् । उनीहरुले स्वाधीन र आत्मनिर्भर अर्थतन्त्रविना देशको आर्थिक विकास दीगो हुन नसक्ने भन्दै राज्यका निकाय गम्भीर बन्नुपर्ने धारणा राखे ।

उद्योग ब्यापार संगठन रुपन्देहीको सातौं साधारण सभा तथा चौथो अधिवेशनको उद्घाटनमा बोल्दै उद्योगी व्यवसायीहरुले औद्योगिक विकासलाई राज्यले प्राथमिकतामा राख्नुपर्ने बताएका हुन् । कार्यक्रममा नेपाल राष्ट्रिय उद्योग ब्यापार संगठनका केन्द्रीय अध्यक्ष कृष्ण आचार्यले स्वदेशी उद्योगको संरक्षण र प्रवद्र्धन गरी आत्मनिर्भर अर्थतन्त्र निर्माणका लागि राज्यले विशेष नीति बनाउनुपर्ने आग्रह गरे ।

उनले देशमा जलविद्युत,पर्यटन,जडिबुटी,हस्तकला जस्ता तुलनात्मक लाभका क्षेत्रहरु भएपनि उचित नीति नियमको अभाव र कार्यान्वयन तहमा कर्मचारीहरुको अपारदर्शी व्यवहारले थुप्रै समस्या झेल्नुपरेको गुनासो गरे । बढ्दो लोडसेडिङका कारण उर्जा संकट उद्योग–व्यवसाय संचालनको मुख्य समस्या बनेको भन्दै उनले झोलामा खोला राख्नेहरुलाई राज्यले कारवाही नगर्दा जलविद्युत उत्पादनले फड्को मार्न नसकेको स्पष्ट पारे । लुम्बिनीको पर्यटन विकास गर्न सके वर्षेनी लाखौं पर्यटक भित्राई समग्र देशकै आर्थिक कायापलट गर्न सकिने सम्भावना रहेको औंल्याउंदै उनले यसतर्फ निजी क्षेत्रले राज्यलाई दवाव दिनुपर्ने बताए ।

कार्यक्रममा स्थानीय विकास अधिकारी पेशलकुमार पोखरेलले जिल्लाको आर्थिक विकास र लुम्बिनीको पर्यटन प्रवद्र्धनका लागि लुम्बिनी र रुपन्देहीको पहिचान झल्किने वस्तु उत्पादन गर्न उद्योगीलाई सुझाव दिए । घरेलु तथा साना उद्योग कार्यालय रुपन्देहीका प्रमुख डण्डपाणी भुसालले स्थानीय विशिष्टतामा आधारित तुलनात्मक लाभका क्षेत्रमा लगानी गरेमा राम्रो प्रतिफल प्राप्त हुने सुझाव दिए ।

एकीकृत माओवादीका केन्द्रीय सदस्य वामदेव क्षेत्रीले विदेशी सामानको ब्यापार तथा उपभोग गरेर स्वाधीन अर्थतन्त्र बन्न नसक्ने प्रष्ट पार्दै स्वदेशी वस्तुको उत्पादन र प्रयोग गर्न सुझाव दिए । उनले नीजि क्षेत्रले सरकारको मात्र मुख नताकी आफै पनि नमुना कामको थालनी गर्नुपर्ने बताए ।

कार्यक्रममा नेपाली कांग्रेस रुपन्देहीका कोषाध्यक्ष दीपक क्षेत्री न्यौपाने, फोरम नेपालका जिल्ला अध्यक्ष महेन्द्र यादव,सद्भावना महतोका जिल्ला अध्यक्ष आनन्द गुप्ता,समाजसेवी सन्तोष पाण्डे,सिद्धार्थनगर उद्योग वाणिज्य संघका उपाध्यक्ष ऋषि अग्रवाल,रुपन्देही ब्यापार संघका कार्यवाहक अध्यक्ष मोतिलाल पाण्डे,बुटवल औद्योगिक क्षेत्र उद्योग संघका उपाध्यक्ष रामप्रसाद बस्याल,सिद्धार्थ यातायात व्यवसायी समितिका अध्यक्ष दीपक शर्मा,लुम्बिनी निर्माण व्यवसायी संघका अध्यक्ष बलराम शर्मा,पत्रकार टीपी भुसाल,पर्यटन व्यवसायी सागर अधिकारी लगायतले उद्योग ब्यापार संगठनले जिल्लाको आर्थिक र पर्यटन विकासमा निरन्तर क्रियाशील रहेको भन्दै सराहाना गरे ।

साधारणसभामा संगठनका अध्यक्ष मनिष जोशीले साना मझौला तथा ठुला सबैखाले उद्योगी व्यवसायीका हक अधिकारका लागि संगठन स्थापना भै क्रियाशील रहेको बताउंदै रुपन्देहीमा उद्योग,ब्यापार,पर्यटन र कृषि क्षेत्रको विकास गरी देशकै नमूना जिल्ला बनाउन सकिने धारणा राखे ।

संगठनका उपाध्यक्ष गिरिशचन्द्र त्रिपाठीको स्वागत,महासचिव नारायण भण्डारीको संचालन र अर्का उपाध्यक्ष खिमबहादुर खत्रीको धन्यवाद ज्ञापनमा कार्यक्रम सम्पन्न भएको थियो । साधारणसभाको बन्दसत्रले अध्यक्ष,महासचिव र कोषाध्यक्षका प्रतिवेदनहरु पारित गरेको छ ।

शंकरनगर,चैत्र-२९ ।
एपेक्स स्टुडेन्ट काउन्सिल र जाग्रिती युवा क्लव शङ्करनगरको संयुक्त आयोजनामा आज भुकम्पिय क्षती न्युनीकरण सम्वन्धी विशेष सचेतनाकार्यक्रम सम्पन्न भएको छ ।

जाग्रिती युवा क्लवका अध्यक्ष गोविन्द भुषालको सभापतित्व र संकरनगर गाविसका सचिव दिनेश अधिकारीको प्रमुखआतिथ्यतामा भएको कार्यक्रममा एपेक्स स्कुल संकरनगर का विद्यार्थीले तयार पारेको भुकम्पिय क्षेती न्युनीकरण संवन्धी ४० मिनेटको लामो भिडियो देखाईएको थियो । साथै सोही कार्यक्रममा जाग्रीती युवा क्लव संकरनगरले प्रकाशन गरेको नयां वर्ष २०७१ सालको वार्षिक क्यालेण्डरको विमोचन समेत गरिएको थियो ।

कार्यक्रममा स्थानिय राजनितीक दलका प्रतिनिधीहरु, आमा समुह, विभिन्न संघ संस्थाका प्रतिनीधी हरुको सहभागिता रहेको थियो । कालिका युवा क्लव कालिकानगरका अध्यक्ष राजिव मल्लले क्लवहरु एक आपसमा मिलेर सहकार्य गरी समाज परिवर्तन गर्नुपर्ने वताउनु भयो । प्रमुख अतिथी अधिकारीले भुकम्प पनि एउटा प्राक्रितिक प्रकोप भएकोले यसलाई रोक्न नसकेता पनि सावधानी अपनाएमा भकम्प आंउदा धनजनको क्षती हुनवाट वच्न र वचाउन सकिने वताउनु भयो । साथै वहाले सवैलाई सु-सुचित र समाजमा सचेतना मुलक कार्यक्रम प्रतुत गरेकोमा एपेक्स स्टुडेण्ट काउन्सिल र जाग्रिती युवा क्लव लाई धन्यवाद दिनु भयो । कार्यक्रम क्लवका सह-सचिव अर्जुन पौडेलको सञ्चालनमा सम्पन्न भएको थियो ।

नयाँ दिल्ली, चैत्र २८ - दिल्ली नजिकै फरिदाबाद, नियोला महाराजपुरमा बस्दै आएका अर्घाखाँची मरेंगका २७ वर्षीय रमेश पोखरेलले नजिकै रासन पसलको ऋण तिर्न नसक्दा आफ्नै कोठामा झुण्डिएर ज्यान गुमाएका छन् ।

रासन पसलको ३१ सय ५० रुपैंयाँ तिर्न ढिलाइ भएपछि पोखरेलले पसलेको धम्की खेप्नुपरेको र बिहीबार दिउँसो आफ्नै कोठाभित्र फ्यानमा श्रीमतीको सलको पासो बनाउँदै झुण्डिएर आत्महत्या गरेको स्थानीय नेपाली स्वयमसेवीले बताए । रमेश उनकी पत्नी दुर्गा र तीन छोराछारीका साथमा बस्ने भएपनि कोठामा कोही नभएको मौकामा उक्त घटना भएको अखिल भारत नेपाली एकता मञ्चका आरबी खड्काले बताए । मथुरारोडको एक चश्मा कम्पनीमा काम गर्ने रमेशले मासिक ५५ सय रुपैंया तलब पाउँथे ।

एक दशकअघि रोजीरोटीको खोजीमा अर्घाखाँचीबाट दिल्ली आएका रमेशका तीन सन्तान छन् । ‘नजिकैको किराना पसलबाट चामल, नूनतेल ल्याएको बिल रहेछ,’ मञ्चका खड्काले भने, ‘दुइ दिन अघि गरिएको पसलेको कागजनामामा ४९ सय ऋणमा अरु तिरेर ३१ सय ५० रुपैंया तिर्न बाँकी रहेछ । पसलेले तुरुन्त नतिरेमा ज्यान लिने धम्की दिएकाले डराएर आफैं मृत्यु रोजेको प्रारम्भिक अनुसन्धानमा थाहा भएको छ ।’ पछिल्ला महिनामा श्रीमती दुर्गा पनि काममा जाने गरेको भएपनि आर्थिक बिपन्नताका कारण यी दम्पत्तिले मुश्किलले जीवन बिताइरहेका थिए । मञ्चसम्बद्ध खड्काले मृतक पोखरेलको शुक्रबार स्थानीय वीके अस्पतालमा पोष्टमार्टम पुरा भएपछि अपरान्ह अन्तिम संस्कार समेत गरिएको जानकारी दिए । बेखर्ची रहेका श्रीमती पोखरेल र उनका तीन छोराछोरीलाई अर्घाखाँची गाउँ पठाउन नेपाली सहयोगी संस्था एवं शुभेच्छुकबाट पैसा संकलन थालिएको समेत खड्काले जानकारी दिए ।

मुक्तिप्रसाद न्यौपाने,माघ २३, पाल्पा
सिद्धार्थ राजमार्ग अन्तर्गत पाल्पाको चिदीपानी २ भालुखोलामा लु १ ख ४९२४ नम्बरको बस बिहिबार बिहान दुर्घटना हुादा १४ जनाको ज्यान गएको छ । १२ जनाको घटनास्थलमै र २ जनाको उपचारको क्रममा ज्यान गएको पाल्पाका प्रहरी नायव उपरीक्षक शिवकुमार श्रेष्ठले बताए । रात्रिबस दुर्घटनामा मृत्यु हुने सबै पुरुष छन् । घाइते ७ जनाको लुम्बिनी मेडिकल कलेज प्रभाष र युनाइटेड मिशन अस्पताल पाल्पामा उपचार भैरहेको छ ।

पोखराबाट भैरहवाका लागि छुटेको बस राति करिब २ देखी २:३० बजेको समयमा सडकबाट करिब ३ सय मिटर तल खसेको थियो । प्रहरीले चालक निदाएका कारण दुर्घटना भएको हुनसक्ने अनुमान गरेको बताएको छ । घटनास्थल अप्ठेरो र खोंचमा रहेकोले उद्दारमा कठिनाई भए पनि समयमा नै प्रहरी तथा नेपाली सेनाको टोली घटनास्थलमा पुगेर उद्दारमा खटेको थियो ।

चितवन,माघ २०-नारायणी विकास समाज नामक संस्थाले आज कविलास गाविस वडा नम्वर २ मा रहेको राष्ट्रिय प्राथमिक विद्यालय स्याउली र राष्ट्रिय प्राथमिक विद्यालय  तान्द्राङका विद्यार्थीहरुलाई ज्याकेट वितरण गरेको छ । 

राप्रपा वि स्याउलीका ८० जना विद्यार्थी र राप्रपा वि तान्द्राङका ४४ जना विद्यार्थीहरुलाई जाडोबाट वच्ने एक एक थान ज्याकेट वितरण गरिएको नारायणी विकास समाजका अध्यक्ष क्याप्टेनसुर्यवहादुर गुरुङले जानकारी दिनुभयो । कार्यक्रममा प्रमुख अतिथी गाविस सचिव हकहित संघ चितवनका अध्यक्ष प्रद्युम्नकुमार खड्काले विद्यार्थीहरुलाई ज्याकेट वितरण गर्नु भएको थियो । कार्यक्रममा संस्थाका भिमवहादुर गुरुङ र युवराज गुरुङ सहभागी थिए । चेपाङ,दलित र आदिवासीको वाहुल्य रहेको सो क्षेत्रमा जाडोका कारण विद्यालयमा विद्यार्थीहरुको उपस्थिती न्युन रहने भएकाले ज्याकेट वितरण गरिएको अध्यक्ष गुरुङले वताउनु भयो । ज्याकेट वितरण कार्यक्रममा संस्थाका अध्यक्ष सुर्यवहादुर गुरुङको अध्यक्षतामा भएको थियो ।

सलमान खांन,भैरहवा, २० माघ ।
नाबालिकालाई करणी प्रयास गरेको आरोपीमाथि प्रहरीले मुद्दा दर्ता नगरेपछि स्थानिय स्तब्ध छन् । गत माघ १२ गते विद्यालय जाादै गरेका दुई छात्रालाई करणी प्रयास गरेको आरोपमा हिरासतमा रहेका अनवर अलीलाई इलाका प्रहरी कार्यालय लुम्बिनीले मुद्दा दर्ता नगरी रिहा गरेपछि स्थानिय स्तब्ध भएका हुन् ।

गत माघ १२ गते बिहान ९:१५ बजे विद्यालय गइरहेका दुई बालिकालाई लुम्बिनी आर्दश गाविसका ३५ वर्षीय अनवर अलीले जबरजस्ती करणी प्रयास गरेको आरोपमा स्थानियले पक्राउ गरी ईप्रका लुम्बिनीमा बुझाएका थिए । आमा माविमा अध्ययनरत ती बालिकाहरु विद्यालय जाादै गर्दा गााउबाट पर एकान्तमा पुगे पछि पिछा गर्दै गएका अनवरले अभ्रद्र ब्यवहार गर्दै खेतमा पछारेका थिए । बालिकाहरुको हार गुहार सुनेर स्थानियहरुले उनलाई घटनास्थलमै पक्राउ गरी प्रहरीलाई बुझाएका थिए । पिडितहरुका परिवारले ईप्रका लुम्बिनीमा गत माघ १४ गते बुझाएको जाहेरी प्रहरीले दर्ता गरेन ।

इप्रका लुम्बिनीका इन्चार्ज एवंम प्रहरी निरिक्षक अम्बिका प्रसाद गुप्ताले आफुले कुनै पनि हालतमा मुद्दा दर्ता नगर्ने बताई सकेकोले यस विषयमा केही नसोध्न अग्रह गरेको गत माघ १७ गते पीडितका साथ इप्रका लुम्बिनी पुगेका स्थानिय पत्रकार बिरेन्द्र मिश्रले बताए ।

यस सम्बन्धमा रुपन्देहीका प्रहरी प्रमुख प्रहरी उपरीक्षक विक्रम सिंह थापासगा सम्पर्क गर्दा उनले भने– “इप्रका लुम्बिनीका प्रहरी निरीक्षक गुप्ताले मलाई रिपोर्ट गरे अनुसार अनवर अलीले ती बालिकाहरुलाई जबजरजस्ती करणी गर्ने प्रयास गरेको होइन् ।” उनले थपे–“जबरजस्ती करणीको प्रयास नगरेपछि कसरी जाहेरी दर्ता गर्ने ।”

यता मुद्दा दर्ता नगर्ने प्रहरी विरुद्ध कडा कदम चाल्ने स्थानियहरुको भनाई छ । स्थानिय जुगुल त्रिपाठीले अपराध सहने पनि अपराधका भागी हुने भएको बताउादै अब प्रहरीले मुद्दा दर्ता नगरेर गरेको कानुनी अपराध आफुहरुले सहन नसक्ने बताएका छन् । 

सलमान खांन,भैरहवा, १९ माघ । 
मुलुककै दोस्रो ठुलो नाकाको रुपमा चिनिने भैरहवा भन्सार कार्यालयले चालु आर्थिक वर्ष २०७०/०७१को ६ महिनामा लक्ष्य भन्दा बढी राजस्व संकलन गरेको छ । कार्यालयले चालु आर्थिक वर्षको पुस मसान्त सम्म कुल गरी १० अर्ब १७ करोड १ लाख ४ हजार ३२ रुपैयाा राजस्व संकलन गरेको हो ।

भन्सार कार्यालय भैरहवाले चालु आर्थिक बर्षको ६ महिनामा कुल जम्मा ९ अर्ब ९६ करोड ३ लाख ५ हजार ६७ रुपैयाा राजस्व संकलन गर्ने लक्ष्य राखेको थियो । तर कार्यालयले २० करोड ७८ लाख ६५ हजार रुपैयाा अर्थात २.०९ प्रतिशत उक्त लक्ष्य भन्दा बढी राजस्व संकलन गर्न सफल भएको भैरहवा भन्सार कार्यालयका भन्सार अधिकृत तेज मणि काफ्ले जानकारी दिए । उनल भने–“विभागले गत आर्थिक वर्ष को ६ महिनामा संकलन भएको राजस्व भन्दा चालु आ.वमा ४६ प्रतिशत बढी राजस्व उठाउन लक्ष्य दिएको थियो र यस कार्यालय त्यो लक्ष्य भन्दा बढी राजस्व संकलन गरेको छ ।”

कार्यालयले साउन महिनामा १५ लाख १० हजार ९ सय ५९ रुपैयाा ८६ पैसा राजस्व संकलन भएको भैरहवा भन्सार कार्यालयले जनाएको छ । त्यसैगरी भदौ महिनामा १७ लाख ४१ हजार २ सय ९३ रुपैयाा ५३ पैसा राजस्व संकलन भएको छ । असोजमा १६ लाख ३५ हजार २ सय ८९ रुपैयाा ९१ पैसा, कार्तिकमा १६ लाख ११ हजार ३ सय ४५ रुपैयाा २ पैसा, मंसिरमा १७ लाख ६४ हजार १ सय ७८ रुपैयाा ६७ पैसा, यसैगरी पुस १९ लाख ८ हजार ३ सय ७२ रुपैयाा ५ पैसा राजस्व संकलन भएको भैरहवा भन्सार कार्यालय भैरहवाले जनाएको छ ।

चालु आर्थिक वर्ष २०७०/०७१ मा भैरहवा नाका बाट औद्योगिक कच्चा पदार्थ, सवारी साधन र  पेट्रोलियम पदार्थ आदि जस्ताको आयात बढी भएको हुदाा राजस्व संकलनमा वृद्घि भएको भैरहवा भन्सार कार्यालयका भन्सार अधिकृत तेज मणि काफ्ले जानकारी दिए ।

बिनोद परियार,रूपन्देही,१७ माघ ।
जागरण मिडिया सेन्टरको आयोजनामा संविधान निर्माण पक्रियामार्फत शान्ति,लोकतन्त्र र समावेशिता विषयक ३ दिने पत्रकारिता तालिम भैरहवामा सम्पन्न भएको छ । रूपन्देही,नवलपरासी र  कपिलवस्तु ४० जना सक्रिय सञ्चारकर्मीहरुको सहभागिता रहेको तालिमको शुक्रबार एक समारोहका विच समापन गरिएको छ । समापन समारोह तथा प्रमाणवितरण कार्यक्रममा बोल्दै प्रमुख अतिथि पूर्व मन्त्री एंव नेकपा एमालेका पोलिटब्यूरो सदस्य छविलाल विश्वकर्माले समाजमा रहेका विभेद भनेको रोग जस्तै भएको बताउँदै त्यसको उपचार पत्रकारले चेतनामार्फत गर्नुपर्ने बतानुभयो ।

उहांले मुलुक अब समावेशि,लोकतन्त्र र संघियताबाट पछाडि फर्किन नसक्ने बताउदै समयमै संविधान जारी गर्नका लागि मिडियाले दवाव दिनुपर्नेमा जोड दिनुभएको थियो । कार्यक्रममा पूर्व सभाषद विनोद पहाडीले समाजमा रहेको जातीय छुवाछुत जस्ता विभेदको अन्तयका लागि सबैको सहकार्य जरुरी रहेको बताउनुभयो । उत्पीडित वर्गका पत्रकार र मूलधारमा आईसकेका वर्गका पत्रकारहरुको संयुक्त प्रयासलेनै समाजमा जागरण ल्याउन सक्ने उहाले बताउनुभयो । राससका पूर्व अध्यक्ष बालकृष्ण चापागाईले पिडितको पहिलो न्याय गर्ने थलो पत्रकार भएकाले समाजका उत्पीडित र अन्यायका पक्षमा कलम चलाउन आग्रह गर्नुभयो ।

जागरण मिडिया सेन्टरका अध्यक्ष रेम विश्वकर्माको सञ्चालनमा भएको कार्यक्रममा प्रमुख प्रशिक्षक बरिष्ठ पत्रकार रघु मैनाली,पत्रकार महासंघ रुपन्देहीका अध्यक्ष दीपक ज्ञवाली,लेखक डिक बहादुर विश्वकर्मा,जागरण मिडियाका कार्यकारी निर्देशक समिर घिमिरे,प्रेम सेन्चुरी,सहभागिबाट उषा कंडेल,इन्द्र विश्वकर्माले बोल्दै पत्रकारितालाई सहिरुपमा अगाडि बडाउन बताउनुभएको थियो । तालिमको प्रशिक्षक रघु मैनाली,आरती चटौत,जेवि विश्वकर्माले सहजीकरण गर्नुभएको थियो ।

काठमाडौं, माघ १७ । पूर्व प्रधानन्यायाधीश एवं २०४७ सालका संविधानका मस्यौदाकार विश्वनाथ उपाध्यायको गएराति निधन भएको छ । मस्तिष्कमा रगत जमेपछि उपचारका लागि राजधानीको न्यूरो अस्पतालमा भर्ना गरिएका उपाध्यायलाई शल्यक्रियापछि भेन्टिलेटरमा राखिए पनि उपचार सफल हुन सकेन ।

उपाध्यायप्रति श्रद्धाञ्जलि व्यक्त गर्न मन्त्रिपरिषदका अध्यक्ष खिलराज रेग्मी, विभिन्न दलका नेता र कानुनविदहरु न्यूरो अस्पताल पुगेका थिए । मन्त्रिपरिषदका अध्यक्ष रेग्मीले उपाध्यायको निधनप्रति दुःख व्यक्त गर्दे यसबाट न्याय क्षेत्रमा अपूरणीय क्षति पुगेको बताए ।त्यसैगरी, नेपाली कांग्रेसका वरिष्ठ नेता शेरबहादुर देउवाले पनि न्यायपालिका क्षेत्रका विज्ञ उपाध्यायको निधन अपूरणीय रहेको बताए ।

तात्कालीन प्रधानमन्त्री मनमोहन अधिकारीले विघटन गरेको संसदलाई आफ्नो इजलासबाट ब्युँताएर उपाध्यायले निकै चर्चा कमाएका थिए । उपाध्यायका पार्थिव शरीर अहिले उनकै निवास ज्ञानेश्वरमा राखिएको छ ।उपाध्यायका चार छोरा मध्ये दुई जना देश बाहिर रहेकाले उनीहरु स्वदेश फर्केपछि मात्रै अन्त्येष्टी गरिने पारिवारिक स्रोतले जनाएको छ ।

प्रेम सुनार,गुल्मी, १७ माघ ।
छिमेकी जिल्ला अर्घाखााची घर भई गुल्मीको तम्घासमा ब्यबसाय गर्ने एक युवाको गए राती मोटर साईकल दुर्घटनामा परी ज्यान गएको छ । अर्घाखााचीको भगवातीा ५, वाईगाउा निवासी ३० वर्षिय शिव मरासनीको हिजो भगवती गाविस तारुभतेरामा लु २ प ५७६४ नम्वरको मोटर साईकल सांझ करिव ८ वजेको समयमा सडकको कुनामा ठोक्कीदा ज्यान गएको हो ।

हिजो दिउासो तम्घासको भिमचोकमा वस्त्रालय पसल गर्ने राजकुमार श्रेष्ठकी आमाको मृत्युमा उनको घर अर्घाखााचीको वाङला टुनिपोखरीमा समावेदेना प्रकट गर्न गुल्मी हर्दिनेटाका जनक पन्थको उक्त साईकलमा चढेर उनि गएका थिए । पन्थ संगै फर्केर तम्घास आउदै गर्दा सो स्थानको पधेरोको नालीमा मोटर साईकल ठोक्कीएर मरासीनी टाउकोले टेक्न पुगेको र उपचार्थ ल्याउादै गर्दा उनको बाटैमा मृत्यु भएको जिल्ला प्रहरी कार्यालय गुल्मीले जनाएको छ ।

मोटर साईकल चालक पन्थको स्वास्थ्य अवस्था भने सामन्य रहेको र उनलाई अर्घातोष प्रहरी चौकीले नियन्त्रणमा लिएको प्रहरीले बतायो । मरासीनीले तम्घासको क्याम्स रोडमा मरासीनी मिष्ठनालय सञ्चालन गर्दै आएका थिए भने पन्थले उनैको कोखैमा योर च्वाईस कम्युनिकेशन सेन्टर सञ्चालन गर्दै आएका छन् ।

मृतक मरासीनीका ८ वर्षका जुम्ल्या छोराहरु छन् । शोकाकुल परिवारको रुवावासीले क्यापस रोडमा यतिवेला सन्नाटा छाएको छ । मरासीनी एकदमै मिलनसार र पौरखी युवा थिए ।

प्रेम सुनार,गुल्मी,भदौ २१ – नेता र बेला बेलामा मन्त्रीहरु समेत रातदिन चिल्ला कारहरुमा आवत जावत गरेको नजिैकै राज मार्गमा उनि देख्छीन् । नजिकै टुढीखेल छ, विभिन्न दलका नेताहरुले गरिव,पछाडी परेका समुदायलाई माथी उठाउन आफ्नो पार्टी मात्रै लागेको दावि गर्दै चर्का चर्का भाषण गरेको पनि उनि गालामा हात लगाएर सुन्छीन् । तर उनलाई देख्ने र उनको विलौना सुन्ने भने कोहि छैन । यो छिमेकी जिल्ला बाग्लुङ्गमा २० वर्ष अघि देखि ओढारबाट ति महिलाको विचल्लीले यो देशका नेता र राज्यलाई गिज्जाई रहेको खवर हो ।

धौलागिरी अञ्चल कै सदुमुकाम बाग्लुङ्ग नगर पालिका । त्यो पनि देश भरकै मानिस पुण्य आर्जन गर्न जाने वाग्लुङ्ग कालिका मन्दिरको गेट अगाडी माथी भिरको जंगंल विचमा रहेको ओढारमा एउटी मान्छे बस्छीन तर जनावरप्रति राखिने निगरानी समेत उनमा रहेको छैन् सरकारी निकायबाट । आफ्नो नाम थर उनि बताउन चाहन्नीन् ।

घर कहाा हो ? बाबु आमा को हुन् ? उनलाई थाह छैन् वा भएर पनि बताउन रुचाउादिनन् । हिंसक जंगली जनवार देखेर जसरी अरु मानिस डराएर भाग्छन् उनि त्यसरी नै पुरुष देखेर भाग्ने गर्छिन् । यो समाचार दातालाई उनको फोटा लिन हम्मे हम्मे परेको थियो । ओढार मुनी पुग्न साथ उनि भिर तिर भागिन् । पख्नु–ुपख्नु दिदी किन डराएको ? भन्दा उनी भिरबाट लड्छिन की जस्तो गरी भाग्दै भनिन् र्–नाई नाई…,डर लाग्छ मलाई तिमीहरु लेग्ने मान्छे देख्दा , यहाबाट गई हाल ।’
उनि त्यसरी लोग्ने मान्छेलाई हिंसंक जनावर जस्तैं अझ भनौ राक्षसका रुपमा झैंै डराउनुका पछाडी उनि माथी पुरुषहरुबाट राक्षसी ब्यबहार नै भएको उनि र उनका स्थानिय महिलाहरुबाट बुझियो । कलिलो उमेरदेखि सडक मजदुरी गर्ने उनको अस्मीता सडक मै काम गर्ने पुरुषले आफ्नो राक्षसी आत्मा शान्त पार्ने सजिलो माध्यम मात्रै बनाएर अलपत्र पारेका रहेछन् ।

उनि भन्छिन ‘् ए कतिले माया गर्न आए गए, अहिले पनि माया गर्छु भनेर आउछन् र डर लाग्छ ।’ घर कहाा हो् थाह छ ? खै पुर्वतिर भन्थे क्यारे उनको यस्तो एक ठस्को जफाव थियो । बाबु आमा देख्नु भयो ? देखेन मैले त पहिल्लै मरेको भन्थे क्यारे उनले भनिन् । उनकोबारेमा बुझन् त्यस कालिका मन्दिर ब्यबस््स्थाप समितिका अध्यक्ष राजु खड्कासंग बुझ्यौं हामीले । उनि भन्छन्–‘ म जान्ने बुझ्ने भएको उमेर देखि उनललाई त्यो ओढारमा बसेको देखे कै २०/२२ वर्ष भयो । ’ उनले रिदम चलचित्रको गितको बोल उच्चारण गर्दै भने–‘हेर्नुस त मानिस भित्रको यो यो विचत्र कसैलाई कसैको मतलव छैन् । ’ उनले थपे –‘यि महिलाको अवस्था देखेर बुझ्न सकिन्छ कि कति सक्रिय छन् भन्ने कुरा ।’ उनले ति महिलाको अवस्थले यहााका नेता रराज्यलाई राम्ररी गिज्जाएको टिप्पणी गरे । उनि र स्थानिय महिलाहरुबाट बुझ्दा उनका पााच सन्तान मध्ये कोही जन्मीदै मृतक त कोहि कुपोषणबाट मरे भने एउटा कसैले चोरेर लगे,एउटा जिवितै छन् ।

जिवित उनका १०/११ व्र्षिय छोराको पढाईप्रतिको लगनशिलता, अनुशासन देख्ने हा ेर लक्ष्यका कुरा सुन्ने हो भने पुाजुपतिका छोरा छोरीलाई गतिलो पाठ हुन जान्छ । उनलाई स्थानिय महिलाहरुको सहयोमा वोर्डिङ्ग स्कुलमा भर्ना गरिएको रहेछ । विहनाको ९ वज्न नपाउादै उनि स्कुल जाने सरसफाईमा जुट्छन् ।ओढारको भित्तामा रहेकोर् एउटा तखातो जस्तै देखिने डुङ्गाको कापा,े उनको स्कुले ड्ेरश राख्ने दराज बनेको छ । सोतो स्कुले ड्ेरश , ओढारको धुावा, धुलो तर पनि कत्ति मैला छैनन उनका कपडा । स साना सिल्टीका भााडामा आमाले खाना पकाउादै ,उनि स्कुल जान तयार गर्दै । खाना खाएर उनि ओढारबाट निस्कीए भिरकोबाटो खरका गााजहरु समाउादै तल सडकमा स्कुल जानका लागि । तल झरे पछि उनि माथी आमालाई टाटा गरे, आमा पनि मुस्कुराउदै हात हल्लाईन । ओढारमा बस्नेहरुमा पनि त्यति खुशी ? उनिहरुको त्यो दृश्यले भावुक हुदै तल ओर्लिऔं हामी । ओढारमा बसेर डाक्टर ईन्जीनियर बन्ने लक्ष्य तल सडकमा आएपछि फेरी उनले माथी ओढारतिर फर्केर आमा संग हात हल्लाउादै टाटा मम्मी गरे । केहि बेरपछि तल पढ्ने साथीहरु भेटाए । आलिशान ठुल्ठुला पक्की घरहरुबाट निस्कीएका बालबालिका र ओढारबाट निस्कीएका उनको खुशीमा कमी थिएन् । ति साथीहरुमा पनि उनि प्रति कत्ति विभेद थिएन् । मैले सोधे बाबु तिम्रो नाम के हो ? –‘वुद्ध थापा ।’ बाबाको नाम को हो थाह छ तिमीलाई ?–‘ थाह छैन । ’ उनले फेरी स्मरण गर्दै भने –‘खै दरवाङ्गको हर्के हुन् भन्थे क्यारे । ’ कतिमा पढछौ ?–‘कक्षा ३ मा ।’ पढेर के बन्ने विचार छ ? –‘डाक्टर ईन्जीनियर । ’ अरु साथीहरुको त कमाउने बुवा हुनुहुन्छ , सम्प्ित्त पनि छ र धेरै पढ्लान तिमी ओढारमा बसेर कसरी डाक्टर ईन्जिनियर बन्छौ त ? यसो भन्न साथ उनले भने–‘ ओढारमा बसेरै म डाक्टर कि ईन्जीनियर बन्छु भन्ने लक्ष्य लिएको छु । ’ अरु साथीहरुले बाबा भन्दा तिमीलाई नरमाईलो लाग्दैन् ? उनले भने –‘लाग्छ नि, बाबा..बाबा भन्न मन लाग्छ । उनका यि कुरा सुन्दा कोखैमा बसेका दिदी बहिनीहरुको गह भरिए , मन्दिर ब्यवस्थापन समितिका अध्यक्ष खड्का पनि भावुक भए ।

स्थानिय महिलाहरुका अनुसार उनलाई धेरैले विवहा गर्ने सपना देखाएर जवानी लुटेर छाडेर गए । उनि गर्भवती अवस्थामा साह्रै दुख पाउने गर्दथिन् । त्यस्तो अवस्थामा सडकमा काम गर्ने उनि उच्च रक्त श्रापले ग्रसित पनि बनिन् । पछिल्ला ति सन्तान स्थानिय महिलाहरुकै हेरचाहमा जिवित रहन सकेका हुन् । बिद्यालय भर्ना गर्न उनको थापा थर लेखाई पनि उनकी आमाको जात के हो र कहाा जन्मेकी थिईन ? स्थानियले पत्ता लगाउन सकेका छैनन् । उति मंगोलियन चेहराकी छन् ।

ति वालकको चेहरा पनि मंगोलियन छ । आम त पहिल्लै वेवरिसे बनेकी थिईन, अहिले उनका ति सन्तान पनि वेवरिसे वन्न नदिन को हुन त ति दरवाङ्गका हर्के भन्ने ? उनको स्थानिय प्रशासनले खोजि गर्न जरुरी भएको अध्यक्ष खड्का जोड थियो । अरु भन्दा पनि अरुले दिएको बासी खाना, अरुले दिएको लुगाफाटो, विमारमा औषधी उपचार पनि अर्कैको दया धर्ममा वााचेका ति वालको ओढारबाटै डाक्टर ईन्जिनियर बन्ने लक्ष्य सााच्ची नै पुरा होला ? उनको लक्ष्य कसले पुरा गराई देला ? यिनै कुराहरु मनमा खेलाउादै फर्कियौ हामी बाग्लुङ्ग वजारबाट ति वालकको लक्ष्या पुरा होस् भन्ने कामना गर्दै गुल्मीको तम्घासतिर ।