रुपन्देहीमा हिजो भएका छुटाछुट्टै दुर्घटनामा आठ जना घाईते

विनोद परियार,बुटवल,भाद्र १ -रुपन्देहीमा हिजो  भएका छुटाछुट्टै दुर्घटनामा आठ जना घाईते भएका छन् । बुटवल १२ रामनगर र मधौलिया ३ कोटिहवामा भएका दुर्घटनामा ८ जना घाईते भएका हुन् । घाईतेमध्ये एक जनाको अवस्था गम्भिर छ । बुटवल भैरहवा सडक खण्डको मधौलिय ३ कोटिहवामा दुई मोटरसाईकल र साईकल ठोक्किदा ५ जना घाईते भएको प्रहरीले जनाएको छ ।

बुटवलबाट भैरहवातर्फ जादै गरेको लु५प९७४० नम्बरको मोटरसाईकल र बाटो क्रस गदै गरेको लु८प३१३५ नम्बरको मोटरसाईकल र अनियत्रित भई पल्टदा साइकललाई ठकक्कर दिदा ५ जना घाईते भएका हुन् । दुर्घटनामा परि बुटवल १३ बस्ने बर्ष २२ का राम बहादुर श्रेष्ठ,पछाडि सवार बुटवल ८ बस्ने बर्ष २१ का शिव पुन, त्यसैगरि पडसरी ८ का ३४ बर्षिय मान बहादुर भण्डारी, टिकुली ८का सिता ढकाल र साईकलमा सवार भारत घर भई हाल नेपालमा बस्ने घरभरन गोसाई घाईते भएको मंगलापुर प्रहरीले जनाएको छ । घाईतेमध्ये सिता ढकालको अवस्था जटिल रहेको प्रहरीले जनाएको छ । ढकालको मेडिकल कलेज भैरहवामा र अन्यको मणिगा्रम स्थित क्रिमसन हस्पिटलमा उपचार भएको प्रहरीले बताएको छ । यता बुटवल १२ रामनगरमा भएको दुर्घटनामा  तीन जना घाईते भएका छन् । पुर्वबाट पश्चिम तर्फ जादै गरेको यूपि५६ डि १५४८ नम्बरको भारतीय नम्बर प्लेटको मोटरसाईकल र बा १४ प ७०२८ नम्बरको मोटरसाईकल ठक्कर खादा मोटरसाईकलमा सवार तीन जना घाईते भएका हुन ् । घाईतेहरुको खतरामुक्त अवस्थामा लुम्बिनी अंचल अस्पताल बुटवलमा उपचार भएको पश्चिम क्षेत्रिय प्रहरी कार्यालय बुटवलले जनाएको छ ।