लालबहादुर ढेंगा, दुबई, युएई-दुबई । लगभग २ लाख २० हजार नेपाली कामदारहरु रहेको युएईको मुख्य सहर दुबईमा नेपालकै इतिहासमा पहिलोपटक अन्तर्राष्ट्रिय स्तरको राष्ट्रको सर्वश्रेष्ठ दोस्रो बक्स अफिस फिल्म अवार्ड २०६९ कार्यक्रम  भव्यताका साथ सम्पन्न गरेको छ । बक्स अफिस फिल्मी क्लव नेपाल र सनहिल्स सिनेमा प्रोडक्सन एलएलसी दुबईको संयुक्त आयोजनामा गत ७ डिसेम्बर शुक्रबारका दिन दुबईको अल नासर लिसरल्याण्डमा गरेको हो ।

नेपाली राजदूतावासका राजदूत धनन्जय झा प्रमुख अतिथि रहेको कार्यक्रममा सनहिल्स सिनेमा प्रोडक्सन एलएलसी दुबईका डाइरेक्टर सूर्य अधिकारीको शुभकामना मन्तव्य रहेको थियो । त्यस्तैगरी अन्य अतिथिहरुमा स्थानीय लोकल अरवी, स्थानीय पत्रकार, स्पोन्सर, फिल्मी हस्ती र नेपालबाट आएका विभिन्न मेडियाका पत्रकारहरु रहेका थिए । दुई चरणमा विभाजित गरिएको कार्यक्रमलाई पहिलो चरणमा स्थानीय कलाकारहरुको प्रस्तुतिलाई निमेश गिरीले संचालन गरेको थियो भने दोस्रो चरण फिल्म अवार्ड कार्यक्रमलाई नरेश भट्टराईले संचालन गरेको थियो ।

३१ औं बिधामा रहेको अवार्डमध्ये लाइफ टाईम अचिपमेन्ट अवार्ड भने शिव श्रेष्ठले हासिल गरेको छ । त्यस्तैगरी ध्वनीमा फस्ट लवको लागि माधव वाग्ले, गायकमा कस्ले चोर्‍यो मेरो मनको लागि दीपक लिम्बु, गायिकामा अन्जु पन्थ, पाश्र्व संगीतमा बाटोमुनिको फुलको लागि गोपाल रसाई, गीतकारमा कस्ले चोर्‍यो मेरो मनको लागि नविन खरेल, संगीतमा कस्ले चोर्‍यो मेरो मनको लागि सुरेश अधिकारी, सम्पादनमा बाटो मुनिको फुलको लागि विपीन मल्ल, सर्वश्रेष्ठ कथामा दशगजाको लागि नवल खड्का, छायाकंनमा व्याच नं.१६ को लागि पुरुषोत्तम, बाल कलाकारमा श्रीमानको लागि संगम बिष्ट, खलनायकको लागि धिरेन शाक्य, हांस्य कलाकारको लागि जयकिशन बस्नेत, चरित्र अभिनेताको लागि निरशाह, बिशेषमध्ये चरित्र अभिनेत्रीमा दशगजाको लागि शुभद्रा अधिकारी, सहनायकको लागि कर्म शाक्य, नवनायकमा बाटोमुनिको फुलको लागि यस कुमार, सहनायिकाको लागि निशा अधिकारी, महत्वपूर्ण विउंवर च्वाइसमध्ये सर्वकृष्ट निर्देशकको लागि तुलसी घिमिरे, सर्वकृष्ट नायकको लागि राजेश हमाल, सर्वकृष्ट नायिकाको लागि रेखा थापा, सर्वकृष्ट फिल्मको लागि फस्ट लव, सर्वकृष्ट निर्माताको लागि छवि ओझा, बिशेष अवार्डको लागि माधव वाग्ले, सिनेमा हलको लागि गोपाल काष्ट, निर्माण नियन्तरको लागि बुद्धिलाल मगर, पत्रकारिताको लागि बाबु, भिसिडीको लागि विजय गोपाल, पोस्टर डिजाइनरको लागि सुजनराज बानिया, सर्वकृष्ट नवनायिकाको लागि ऋर्चा शर्मा, नवनिर्देशकको लागि सविर श्रेष्ठ र उत्कृष्ट निर्देशकको लागि सुरेश सुब्बा रहेका छन् । बिशेष सम्मान–पत्र पाउनेमा सुमन सिंह, भुवन केसी, मोहनकृष्ण श्रेष्ठ, तिरन्त मानन्धर, मधुकुमार श्रेष्ठ र सुनिल मानन्धर थिए । त्यस्तैगरी सर्वकृष्ट नायिकाको लागि रेखा थापा, सर्वकृष्ट नायकको लागि आर्यान सिग्देल र सर्वकृष्ट चलचित्रको लागि बाटोमुनिको फुलले हासिल गरेको छ ।

पहिलो चरणका स्थानीय कलाकारहरुको प्रस्तुतिहरु सेलाउन नपाउंदै दोस्रो चरणमा नेपालबाट आएका अतिथि कलाकारहरुको प्रस्तुतिले निकै तताऐ । निशा सुनुवारको गीत चक्कु छुरी लगत्तै नौनी–नौनी गीतको बोलमा पूजना स्त्रीको नित्यले हल्का चिसोमा बसेका दर्शकलाई गर्मीमा परिवर्तन गरिदिए । शंकर बिसी र भावना ढकालको नित्यमा दर्शकले सिटी बजाएर मजा लिऐ । लोक दोहोरी क्षेत्रका चर्चित गायिका मुना थापाको गीत तिते करेलीलाई पनि दर्शकले मन पराऐ । प्रकाश पौडेलको गीत आमा मलाई त्यही केटी चाहिन्छ र तिते पाती झ्याप तिते पाती झ्यापले पेट मिची मिची हसाउनमा सफलता पाऐ । लोक दोहोरीका पारखी राम जी खांडको गीत आंखा लोभी मन पापीले पनि थप मनोरञ्जन दिएको थियो । सुमन सिंह र रेखा थापाको युगल जोडी नित्यलाई पनि सबैले मन पराऐ । फिल्मको पर्दामा सधै हसाउंने जयकिशन बस्नेतको नित्यलाई सबैले नौलोको रुपमा लिऐ ।

अवार्ड कार्यक्रममा खासै मन्तव्यहरु त थिएनन् । केवल आफ्नो बिचारहरु मात्र राखेका थिए । ४७ बर्ष इतिहास बोकेको नेपाली फिल्म उद्योगका हस्तीहरुले दुबईमा पहिलोपटक अन्तर्राष्ट्रि स्तरका फिल्म अवार्ड कार्यक्रममा सहभागी हुन पाएकोमा खुशी जाहिर गरे । राजदूत धनन्जय झा पनि कार्यक्रमको अन्तिम समयसम्म बसेर आफ्नो कार्यकालमा द’बईमा फिल्म अवार्ड कार्यक्रम भएकोमा गौरव लागेको बताऐ । कार्यक्रममा सहयोग तथा नेपालबाट आएका अन्य कलाकारहरुलाई पनि सम्मान–पत्र प्रदान गरिइएको थियो । 

फिल्मीखबर, काठमाण्डौ, २०६८ श्रावण ४, बुधवार कलाकार भैसकेपछि जस्तो पनि अभिनय गन सक्नु पर्दछ । कथा अनुसार आफुलाई बगाउन सक्ने खुबी कलाकारमा चाहिन्छ । अझ भनौ कलाकार कथा र अवस्थामा डुबेर अभिनय गर्न सक्नु पर्दछ । अवस्था अनुसार आफुलाई वास्तविक पात्रको रुपमा उभ्याउन सक्ने हो भने त्यो पात्र भित्र दर्शकहरुले आफुलाई पाउने गर्दछन्  । प्रसङ्ग नायक सुबास थापा र उनको पछिल्लो चलचित्र 'ब्रेक फेल' को हो । उनले आफुलाई यो चलचित्रको कथामा डुबाएर काम गरेका छन् वा हल्का रुपमा त्यो त चलचित्र रिलिज पछि थाहा हुनेछ । चलचित्र कोही मेरोबाट डेब्यू गरेका थापाले सो चलचित्रमा लभर ब्याईको भुमिका निभाएका थिए र जस पनि राम्रै पाएका थिए । चलचित्र कोही मेरोमा लभर ब्याईको भुमिका निभाएका थापा चलचित्र 'ब्रेक फेल' मा भने पत्रकारको भुमिकामा प्रस्तुत भएका छन्  । एउटा पत्रकार भैसकेपछि समाचार संकलनका लागी बिभिन्न स्थानहरुमा पुग्ने गर्दछ । त्यति बेला पत्रकारितालाई बिर्सने हो भने उसले मानबिय आंकाक्षहरु पुरा गर्न युवा भए युवती र युवती भए युवक तिर आर्कषित हुन सक्छ । तर सुवास यस्तो पत्रकार भएर देखिएका छन् जो पुरुष भएर पनि पुरुषसंग नै आर्कषित हुन्छन् । अर्थात उनि चलचित्रमा तेस्रो लिङ्गी भएर प्रस्तुत भएका छन् ।   कुनै पनि पत्रकार सम्मेलनमा होस् वा समाचार संकलन गर्न जादा होस् हृयाण्डसम केटा देख्न हुदैन रे उनलाई । उनि त जिस्कने, टाँसिने, अंगालिने गरिहाल्छन् रे । तेस्रो लिङ्गीको भुमिका निभाएका सुवासले चलचित्रमा केही सामान्य पुरुषले भन्दा फरक दृष्यहरु दिएर आफुलाई लेस्रो लिङ्गीको भुमिकामा ससक्त बनाउने प्रयास गरेको बुझिएको छ । भाद्र १६ गतेबाट रिलिज हुन लागेको चलचित्र ब्रेक फेल कमेडी धारको चलचित्र भएको बताइएको छ । नायिका ऋचा घिमिरेको प्रस्तुती रहेको सो चलचित्रलाई शंकर घिमिरेले निर्देशन गरेका हुन् । चलचित्रमा ऋचा र सुवासका अलावा, राजेश हमाल, बिमलेश अधिकारी, निरज बराल, चिरन लगायतका कलाकारको मुख्य भुमिका रहेको छ । वर्ल्डवाईड मुभि मेकर्सको व्यानरमा निर्माण गरिएको चलचित्र 'ब्रेक फेल' लाई मनोज कुमार घिमिरे, शिबहरी कार्की र प्रदिप सिंहले निर्माण गरेका हुन् । Source:Filmikhabar

बलिउडमा ‘पर्फेक्सनिस्ट’ उपनाम पाएका अमिर खानलाई कुशल अभिनेताको रुपमा धेरैले चिनेका छन् । संख्यात्मकरुपमा थोरै फिल्म खेल्ने अमिरका अधिकांश फिल्म ब्लकबस्टर छन् । उनको अभिनय शैलीमा त कुनै प्रश्न उठाउने ठाउँ नै छैन । अमिरले आफूलाई एक कुशल कलाकार मात्र नभएर बौद्विक ब्यक्तिको रुपमा समेत दर्शकहरुमाझ चिनाउन सफल भएका छन् । बहुचर्चित कार्यक्रम ‘कन बनेगा करोडपति’ मा सबै प्रश्नहरुको सहि जवाफ दिई पहिलो पटक एक करोड जितेर अमिरले आफ्नो बौद्विकता प्रर्दशन गरेका छन् ।