अर्को बसलाई उछुन्ने क्रममा बस दुर्घटना हुंदा १३ यात्रु घाईते

कैलाली, ६ पुस । पूर्व–पश्चिम महेन्द्रराजमार्ग अन्तर्गत कैलालीको चुहा–६, गुलरामा आज बिहान बस पल्टिँदा १३ यात्रु घाईते भएका छन् । घाईते मध्ये सात जनाको अवस्था गम्भीर छ । टीकापुरबाट धनगढी तर्फ आउँदै गरेको से १ ख ५२८ नम्बरको बसले अर्को बसलाई उछुन्ने क्रममा दुर्घटनामा परेको प्रत्यक्षदर्शीले जानकारी दिए ।

घाईते हुनेमा बस चालक धनगढीका बिजय परियार, यात्रु जितेन्द्र चौधरी, जोशीपुरका सुनिल चौैधरी, निम्दीका श्रवण चौधरी, भगतपुर दुर्गौलीका रामबहादुर बिक रहका छन् । कैलाली टीकापुरका प्रकाश मगर, भरत अधिकारी र पारस शाह पनि घाईते भएको ईलाका प्रहरी कार्यालय लम्कीका प्रहरी निरीक्षक चक्रबहादुर शाहले जानकारी दिए ।दुर्गौलीकी आशा चौधरी, ओमप्रकाश मगर, मनोज मगर र हेमा मगर पनि दुर्घटनामा घाईते भएका छन् । बस बाटोबाट करिब पचास फिट तल खसेको छ ।
स्रोत :सौर्य  दैनिक