दिप बोर्डिङ्गमा स्पोर्ट मिट सुरु

बुटवल,  १४ माघ - बुटवल–१० शुख्खानगरमा अवस्थित दिप बोर्डिङ्ग हाई स्कुलमा ‘स्पोर्ट मिट २०६९’आईतबार बाट सुरु भएको छ । विद्यालय परिसरमा  एक कार्यक्रमको आयोजना गरी विद्यालयले औपचारिक रुपमा ‘स्पोर्ट मिट २०६९ को सुरुवात गरेको हो ।

विद्यालय व्यवस्थापन समितिका अध्यक्ष राजेन्द्रप्रसाद ध्वजुको अध्यक्षतामा भएको उद्घाटन कार्यक्रममा रुपन्देही जिल्ला खेलकुद विकास समितिका कार्यालय प्रमुख तथा बरिष्ठ एथ्लेटिक्स प्रशिक्षक मोहन घलेको प्रमुख आतिथ्यता तथा  पश्चिम क्षेत्रीय ट्राफिक प्रहरी कार्यालय बुटवलका प्रमुख प्रहरी उपरिक्षक विभुतीराज पाण्डेको विशिष्ठ आतिथ्यतामा कार्यक्रम भएको थियो । उद्घाटन कार्यक्रममा विद्यालयका प्रिन्सीपल  टिकाराम न्यौपानेले स्वागत मन्तव्य राखेका थिए । आईतबार बाट सुरु भएको विभिन्न खेलकुद तथा सास्कृतीक कार्यक्रम माघ १८ गते सम्म चल्ने विद्यालयले जनाएको छ । कार्यक्रम अन्र्तगत टेवल टेनिस, भलिवल प्रतियोगीता, एथ्लेटिक्स प्रतियोगीताहरु, सटपुट, ज्याबलिङ्ग थ्रो, १ सय, २ सय र २ सय वाई फोर रिले दौड, लामो दौड, चेस लगायातका प्रतियोगिताहरु आयोजना गरिने जानइएको छ । त्यस्तै गत बर्ष दिप बोडिङ्ग सिङ्गगिङ्ग स्टारको आयोजना गरेको दिप वोडिङ्गले यस बर्ष दिप डान्स आईडल २०६९ समेत आयोजना गर्ने भएको छ ।

Posted by Butwalonline on 9:41 PM. Filed under Local News . You can follow any responses to this entry through the RSS 2.0. Feel free to leave a response