साक्षर नेपाल अभियान अन्तर्गत तालिम सम्पन्न

बुटवल, चैत ६ - रुपन्देहीको शंकरनगर गा.वि.स मा रहेको शंकरनगर सामुदायिक अध्ययन केन्द्र शंकरनगर रुपन्देहीको आयोजनामा साक्षर नेपाल अभियान अन्तर्गत सहयोगी कार्यकर्ता तालिम एक समारोहका बिच आजबाट सुरु भएको छ । सामुदायिक अध्ययन केन्द्रका अध्यक्ष सुरेन्द्र कुमार वर्माको अध्यक्षता तथा अध्ययन केन्द्रका सचिव युवराज पराजुलीको संचालनमा भएको कार्यक्रममा केन्द्रका सदस्य उमानाथ कण्डेलले स्वागत मन्तव्य राख्नु भएको थियो ।

जिल्ला शिक्षा कार्यलय रुपन्देहीका उपसचिव तीर्थ राज पन्थी प्रमुख प्रशिक्षक रहनु भएको उक्त कार्यक्रममा गा.वि.स सचिव लक्ष्मण अर्यालले तालिमबाट सहयोगी कार्यकर्ताहरुले आफूले सिकेका कुराहरुबाट सहज र सरल रुपमा शंकरनगर भित्रका निरक्षरहरुलाई साक्षर बनाई निरक्षरमुक्त शंकरनगर बनाउने कुरामा जोड दिनु भएको थियो ।

सामुदायिक अध्ययन केन्द्रका अध्यक्ष सुरेन्द्र कुमार वर्माले शंकरनगर गा.वि.स भित्र रहेका ४४९ जना निरक्षरहरुलाई पूर्ण रुपमा साक्षर बनाइ यसै आथिक बर्ष भित्रमा निरक्षरमुक्त शंकरनगर घोषणा गर्ने लक्ष्य रहेको बताउनु भयो । ५ दिन सम्म सञ्चालन हने तालिममा १७ जना सहयोगि कार्यकर्ताहरुले सहभागिता जनाएका थिए ।

Posted by Butwalonline on 5:49 PM. Filed under National News, News . You can follow any responses to this entry through the RSS 2.0. Feel free to leave a response