युवाहरुलाई समाजिक काममा अग्रसर हुन आग्रह

बाबुराम गैरे, मणिग्राम कार्तिक २८-नेपाली कांग्रेसका केन्द्रिय सदस्य बालकृष्ण खाँडले युवाहरु सामाजिक कार्यमा अग्रसर भए बिकाशमा सहजता आउने बताउनुभएको छ । यूवा अवस्थामै जटिल र अप्ठ्यारा कामहरु समेत गर्न सकिने भएकाले यूवाहरु श्रीजनशिल काममा लाग्नुपर्ने उहाँको भनाई छ ।

ज्ञानोदय क्लब करहीया ९ नन्दनवन रुपन्देहीको ३१ औं बार्षिकोत्सब तथा साँस्कृतिक कार्यक्रममा बोल्दै पूर्व मन्त्रि समेत रहनुभएका खाँडले क्लबहरु सामाजिक बिकाशको मेरुदण्ड भएको बताउनुभयो । आफु पनि युवा अवस्थामा क्लबमै आवद्ध रहेको स्मरण गर्दै खाँडले नेतृत्व बिकाशका लागि पनि क्लवहरु महत्वपूर्ण हुने उल्लेख गर्नुभयो ।

क्लबका अध्यक्ष धु्रव न्यौपानेको अध्यक्षता, तुलसी न्यौपानेको स्वागत र गोपाल प्रसाद बस्यालको संचालनमा भएको कार्यक्रममा एन्फा केन्द्रिय सदस्य तथा रुपन्देहि फुटबल संघाक अध्यक्ष हरि श्रेष्ठ, करहीया गाबिसका सचिब चुरामणि पाण्डे, ऋषिराम भुषाल, भरत भुषाल लगाएतले बोल्नुभएको थियो । सो अवसरमा बिभिन्न साँस्कृतिक प्रस्तुतिहरु समेत प्रदर्शन गरिएको थियो । कार्यक्रममा बिभिन्न खेलकुँद प्रतियोगिताका बिजेताहरुलाई पुरस्कार बितरण गर्नुका साथै क्लबका पुर्ब अध्यक्षहरुलाई कदर पत्रले सम्मान गरिएको बताईएको छ

Posted by Butwalonline on 9:22 PM. Filed under Local News . You can follow any responses to this entry through the RSS 2.0. Feel free to leave a response