थकाली सेवा समितिद्धारा बुटवलमा धनुषवाण खेल गर्ने
बुटवल,चैत ५ - थकाली सेवा समिति,बुटवल क्षेत्रले चैत्र ७ गतेदेखि बुटवलमा धनुषवाण (–तारा खेल) शुरु गर्ने भएको छ । थकाली समुदायका महान पर्व तोरन्हको पावन अवसरमा समितिले तारा खेल शुरु गर्न लागिएको हो । खेलको आवश्यक सम्पूर्ण तयारी पुरा भएको समितिले जनाएको छ ।
चैत्र १७ गतेसम्म चन्ले तारा खेलको अन्तर जातीय फाइनल प्रतियोगिता भने १६ र १७ गते हुंने समितिका अध्यक्ष क्याप्टेन शिवप्रसाद शेरचनले जानकारी दिनुभयो । चैत्र ७ गते तारा खेलको उद्घाटन हुंनु अघि बुटवलको पुष्पलाल पार्कबाट थकाली भेषभुषा – झांकीसहित ऱ्याली निस्कने र सो ऱ्यालीले बुटवल बजार परिक्रमा गरि समितिको सभाहलमा पुगेर सभामा परिणत हुंने अध्यक्ष शेरचनले बताउंनु भयो ।
Posted by Butwalonline
on 7:20 PM. Filed under
Local News
.
You can follow any responses to this entry through the RSS 2.0.
Feel free to leave a response
