पूनमको ‘नशा’–पोर्न नभएर , बोल्ड मात्रै !

एजेन्सी, माघ १७ । भारतीय किंगफिशर मोडल पाण्डे चर्चामा रहन अनेक हरकत अपनाउँदै आएकी छिन् । विभिन्न बाहानामा कपडा उतारेर पूनमले यसअघि नै आफ्नो मादक जवानी देखाउन कुनै कसर बाँकी राखेकी छैन ।

पछिल्लो समयमा पूनम आफ्नो पहिलो बलिउड फिल्म ‘नशा’का कुराहरु निरन्तर आफ्ना सामाजिक सञ्जालमा राख्दै आएकी छिन् । त्यस्तै नशासँग सम्बन्धित तस्वीरहरु पनि पूनमले सार्वजनिक गर्दै आएकी छिन् ।

नशा निकै ‘बोल्ड’ भएको बताउँदै आएकी पूनमले आफ्नो पहिलो फिल्मलाई व्यापक प्रचार–प्रसार गर्न दत्तचित्त भएर लागेकी देखिन्छ, उनको पछिल्ला हरकतहरुले ।

हालैमा पूनमले आफ्नो ट्वीटरमा केही फोटो पोस्ट गरेकी छिन्, जसमा उनलाई केही सोचिरहेको जस्तो देखिन्छ । तथापी फोटो खिचेर चर्चा बटुल्ने उनको यो नयाँ काइदा भएझैं लाग्छ, फोटो हेर्दा ।

पूनमको फिल्म नशाको मिति अहिलेसम्म खुलिसकेको छैन । पूनमले भने निरन्तर आफ्नो फिल्मको अघोषित प्रचार–प्रसार भने जारी राखेकी छिन् । पूनमले आफ्नो फिल्म ‘बोल्ड’ भएपनि ‘पोर्न’ भने नभएको बताएकी भारतीय सञ्चारमाध्यमले जनाएको छ । यसका साथै पूनमले आफ्नो फिल्मका लागि ६ किलो तौल बढाएकी समेत उल्लेख गरिएको छ ।  स्रोत : ईमेज  च्यानल