दुर्घटनामा सात घाइते
२ जेठ, बीरगञ्ज । बीरगन्ज-पथलैया सडक खण्डमा पर्ने बाराको छातापिपरामा गए राति टयाक्टर र माइक्रोबस एक आपसमा ठोक्किँदा ७ जना घाइते भएका छन । बीरगञ्जबाट हेटौंडातर्फ जाँदै गरेको ना१ज १७३२ नम्बरको माइक्रोबस र विपरित दिशाबाट आइरहेको ना२त १७७ नम्बरको ट्याक्टर आपसमा ठोक्किँदा ७ जना घाइते भएको प्रहरीले जनाएको छ ।
घाइते हुनेमा मकवानपुर हर्नामाडीका २१ वर्षीय कुमार पण्डित , हेटौंडा-९ का २६ वर्षीया गंगा घोडासैनी , ४० वर्षीया लक्ष्मी खतिवडा , हेटौंडा-१ का २६ वर्षीय देवीकुमार राउत , रश्मिला परियार र अकाश परियार छन् । घाइतेहरुको बीरगन्जस्थित नारायणी उपक्षेत्रीय अस्पतालमा उपचार भइरहेको जिल्ला प्रहरी कार्यालय बाराले जनाएको छ । ट्याक्टर र माइक्रोबसलाइ जितपुर प्रहरी चौकीले नियन्त्रणमा लिएको छ ।
OnlineKhabar
Posted by Butwalonline
on 9:32 AM. Filed under
Local News
.
You can follow any responses to this entry through the RSS 2.0.
Feel free to leave a response
