सोल्टीमोडमा भएको सवारी दुर्घटनामा परी दुई जनाको मृत्यु
काठमाडौँ, पुस २० - कालिमाटीको सोल्टीमोडमा आज बिहान भएको सवारी दुर्घटनामा परी दुई जनाको ज्यान गएको छ भने दुई जना घाइते भएका छन्। आज बिहान ६ बजे कलंकीबाट कालिमाटीतर्फ आउँदै गरेको बा ३ ख ९८५ नम्बरको मिनी बस अनियन्त्रित भई सडक डिभाइडरमा ठोक्किएर पल्टिएको हो।
दुर्घटनामा परी मिनीबसका सहचालक ओखलढुङ्गाका विजय गुरुङ र बसमा यात्रा गरिरहेका गोरखाका २० वर्षीय प्रकाश पन्तको ज्यान गएको महानगरीय ट्राफिक महाशाखाले जनाएको छ। गम्भीर घाइते भएका उनीहरुको वीर अस्पतालमा उपचारको क्रममा ज्यान गएको हो ।
त्यसैगरी दुर्घटनामा परी घाइते भएका नैकापका ४० वर्षीय मनोज के.सी.को वीर अस्पतालमा उपचार भइरहेको छ। अर्की घाइते नेपाली सेनामा कार्यरत २८ वर्षीया विनु पोखरेलेको उपचारको लागि छाउनी अस्पतालमा पठाइएको छ ।स्रोत : नागरिक न्यूज
Posted by Butwalonline
on 8:45 AM. Filed under
