ट्रिपरले मोटरसाइकलमा सवार दुई जनाको मृत्यु
चाँदनी हमाल, चितवन,पुस २० - चितवनको पटिहानीमा ट्रिपरले मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको छ। आज बिहान भएको सो दुर्घटनामा पटिहानी १ का युवाहरु खेमराज महतो र विशाल चौधरीको घटनास्थलमै मृत्यु भएको हो।
मोटरसाइकलमा तीन जना सवार थिए। मोटरसाइकलमै रहेका पटिहानी ४ का सविन महतो भने गम्भिर घाइते छन्। उनको हाल चितवन मेडिकल कलेजमा उपचार भैरहेको छ।
सदरमुकाम भरतपुरबाट पश्चिम चितवनको कसरा जाँदै गरेको बा २ ख ६१६१ नम्बरको ट्रिपरले पटिहानीबाट भरतपुर आउँदै गरेको ना २ ख ३१६३ नम्बरको मोटरसाइकललाई आठ बजे पटिहानीको धनौजीमा ठक्कर दिएको थियो। ट्रिपर र चालक प्रहरी नियन्त्रणमा रहेको चितवन प्रहरीले जनाएको छ।स्रोत : नागरिक न्यूज
Posted by Butwalonline
on 8:41 AM. Filed under
