एकीकृत माओवादीद्वारा पूर्व राजाको भ्रमण रोक्ने चेतावनी
पोखरा आश्विन ४ । गण्डकी र धौलागिरी अञ्चलका बिभिन्न जिल्लाका शक्ति पीठहरुको दर्शन र सर्वसाधारणसंग भेटघाटका लागि पूर्वराजा ज्ञानेन्द्र शाह आज पोखरा जांदै हुनुहुन्छ । पूर्व राजा आज दिउँसो पोखरा पुग्ने र त्यहाँ भब्य स्वात गर्ने तयारी भएको प्रचार–प्रसार उपसमितिका संयोजक अर्जुनबहादुर बस्नेतले जानकारी दिनुभयो । भ्रमण अवधिभर पूर्व राजा ज्ञानेन्द्र लेकसाईडस्थित फिस्टेल लजमा बस्ने बताइएको छ । असोज ५ गते पूर्व राजा म्याग्दीको बेनी जाने र त्यहाँस्थित भर्तिकल बम शिवालय र गलेश्वर महादेव मन्दिरमा पूजा गर्ने कार्यक्रम रहेको छ । यस्तै ६ गते बाग्लुङ्ग कालिका र पर्वत, कुश्मास्थित गायत्रीमाताको दर्शन तथा पूजा गर्ने कार्यक्रम रहेको छ । यस्तै असोज ७ गते स्याङ्जाको गुठखोलास्थित धनुशेश्वर महादेव र ८ गते तंनहुको दमौलीस्थित पञ्च मन्दिरमा पूर्व राजाले पूजा गर्ने कार्यक्रम रहेको छ । असोज ९ गते पोखराको प्रसिद्ध शक्तिपीठ विन्ध्यवासिनीमा दर्शन तथा पूजा गर्ने कार्यक्रम रहेको जनाइएको छ । पूर्व राजाको भ्रमणलाई सफल बनाउन शिक्षाविद् एवं तत्कालीन राजसभा स्थायी समितिका सभापति गणेशबहादुर गुरुङको संयोजकत्वमा १२ सय ८० जना सम्मिलित समिति गठन भएको छ ।
यसैबीच, एकीकृत माओवादीले भने पूर्व राजा ज्ञानेन्द्रको पश्चिमाञ्चल भ्रमणको विरोध जनाएको छ । एमाओवादीको कास्की जिल्ला कमिटीले पूर्व राजाको भ्रमणको विरोधमा हिजो पोखराका विभिन्न चोकमा कोणसभा गर्दै पूर्व राजाको भ्रमण रोक्ने चेतावनी दिएको हो । सर्वसाधारणले भने पूर्व राजालाई अन्य नेपाली सरह देशभित्र घुमफिर गर्ने अधिकार भएको भन्दै एमाओवादीले अनावश्यक राजनीति गर्न खोजेको बताएका छन् ।समाचार इमेज च्यानल बाट
यसैबीच, एकीकृत माओवादीले भने पूर्व राजा ज्ञानेन्द्रको पश्चिमाञ्चल भ्रमणको विरोध जनाएको छ । एमाओवादीको कास्की जिल्ला कमिटीले पूर्व राजाको भ्रमणको विरोधमा हिजो पोखराका विभिन्न चोकमा कोणसभा गर्दै पूर्व राजाको भ्रमण रोक्ने चेतावनी दिएको हो । सर्वसाधारणले भने पूर्व राजालाई अन्य नेपाली सरह देशभित्र घुमफिर गर्ने अधिकार भएको भन्दै एमाओवादीले अनावश्यक राजनीति गर्न खोजेको बताएका छन् ।समाचार इमेज च्यानल बाट
Posted by Butwalonline
on 8:01 AM. Filed under
