१३ वर्षकी बालिकामाथि सामूहिक बलात्कार
दाङ,चैत ८-दाङ तुलसीपुरमा मंगलबार राति एक बालिका सामूहिक बलात्कारको सिकार भएकी छन् ।
तुलसीपुरको नयाँ बसपार्कमा ६ जना युवाको समूहले १३ वर्षकी बालिकामाथि जबर्जस्ती बलात्कार गरेको इलाका प्रहरी कार्यालय तुलसीपुरले जनाएको छ । घरमा आमासँग झगडा परेर निस्किएकी ती बालिकालाई युवाहरूले बसपार्कमा रोकिराखेको ना.२.ख ५५९१ बस भित्र लगेर बलात्कार गरेका हुन् ।
इप्रका तुलसीपुरबाट खटिएको प्रहरी टोलीले बलात्कारमा संलग्न युवालाई राति नै पक्राउ गरेको प्रहरीनिरीक्षक मदन थापाले जानकारी दिए । पक्राउ पर्नेमा सल्यान शंखमूल-७ का सुवास वली, सल्यान छायाक्षेत्र-९ का विकास पुन, रविन नेपाली, खलंगा-५ अम्मर श्रेष्ठ, छायाक्षेत्र-७ का मोहन विक छन् । प्रहरीले बुधबार पत्रकार सम्मेलन गरी उनीहरूलाई सार्वजनिक गरेको छ । घटनामा संलग्न भई फरार रहेका टाइगर भनिने व्यक्तिको खोजी भइरहेको प्रहरीनिरीक्षक थापाले जानकारी दिए । बलात्कृत बालिकालाई उपचारपछि घर पठाइएको उनले बताए ।
स्रोत :ओनलाइन खबर
Posted by Butwalonline
on 5:35 AM. Filed under
