मिनी ट्रक पल्टिँदा एकको मृत्यु ५ घाइते
रोल्पा, माघ १५ - पूर्वी रोल्पाको सिर्पमा आइतबार मिनी ट्रक पल्टिँदा एकको मृत्यु भएको छ । दुर्घनामा परी ५ घाइते भएका छन् ।
सुलीचौरबाट सिर्पतिर गइरहेको उक्त ट्रक सडक मुनि खस्दा सिर्प ८ का युवा यामबहादुर खड्काको मृत्यु भएको हो । दुर्घटनामा सिर्प निबासी रोशनी जीसी, पार्वती खड्का, देवीकला जीसी, साउने परियार र बडाचौरका प्रेम विक सामान्य घाइते भएका हुन् ।
सिर्पमा ब्रिटिस वेलफेरद्वारा निर्माणाधीन खानेपानी योजनाका लागि सामान लैजाने क्रममा उक्त ट्रक खसेको हो । प्रहरीका अनुसार ट्रकको ब्रेरक फेल भएर दुर्घटना भएको हो । सिर्प निबासी युवा सागर पुनका अनुसार घाइतेहरुलाई सुलीचौर स्थित स्थानीय मेडिकलमा उपचार गरिएको छ ।
स्रोत :कान्तिपुर
Posted by Butwalonline
on 2:10 PM. Filed under
