विश्व साइकल यात्री ढाकेश्वर क्षेत्रीलाई दुबईमा सम्मान तथा आर्थिक सहयोग
गत १२ मार्च मंगलबारका दिन दुबईस्थित संचालनमा रहेको सिल्भर स्पून नेपाली रेष्टुरेण्टले एउटा कार्यक्रमको आयोजना गरि साइकल यात्री क्षेत्रीलाई सम्मान तथा आर्थिक सहयोग गरेको छ । अहालिया एक्सचेन्जका नेपाल कोर्डिनेटर बेनी ढकालको प्रमुख आतिथ्यता, सिल्भर स्पून नेपाली रेष्टुरेण्टकी संचालिका दिपा पाण्डेको अध्यक्षता र चर्चित मोडल तथा कलाकार आशिष पुरुषको संचालनमा भएको सम्मान कार्यक्रममा दिपा पाण्डेले खादा ओढाई सम्मान–पत्रका साथ नगद रकम दिएर सम्मान गरेकी छिन् ।
त्यस्तैगरी गत १३ मार्च बुधबारका दिन दुबईस्थित संचालनमा रहेका नेपालीको सगरमाथा रेष्टुरेण्टले पनि एउटा कार्यक्रमको आयोजना गरि सम्मानका साथ आर्थिक सहयोग गरेको छ । विभिन्न क्षेत्रबाट उपस्थित भएका अतिथिहरु रहेको सम्मान कार्यक्रममा नेपालीको सगरमाथा रेष्टुरेण्टका संचालक ईश्वरीप्रसाद उपाध्यायले साइकल यात्री क्षेत्रीलाई पैसाको माला लगाई सम्मान गरेका छन् । रेष्टुरेण्टकी सहसंचालिका मंजु गौली पौडेलले विश्वमा शान्तिका दूत भएर विश्व साइकलको भ्रमणमा निस्केका क्षेत्रीलाई शुभकामना समेत दिइन् ।
सुरुमा मेचीदेखि महाकालीसम्म साइकल यात्रा गर्दै अन्तर्राष्ट्रिय क्षेत्रमा भारत, बंगलादेश र भुटान हुंदै जर्मनी, स्वीट्जरल्याण्ड, स्वीडेन, अष्ट्रलिया, वर्मा, थाइल्याण्ड, जापान र हङकङ्ग गरि जम्मा ५८ देशमा भ्रमण गरिसक्नु भएको छ भने अब उहां ५९ औ देशको साइकल यात्रामा दुबईबाट कतारतिर प्रस्थानको लागि तयारीमा लाग्नु भएको छ ।
विश्व साइकल यात्राको क्रममा दुबई आउदा युएईमा रहेका नेपाली दाजुभाई तथा दिदीबहिनीहरुको माया र सहयोग पाएर साइकल यात्री क्षेत्री निकै खुशीमा देखिन्छन् । आगामी शुक्रबारका दिन युएईमा क्रियाशिल रहेका विभिन्न सामाजिक संघ संस्थाहरुद्धारा सम्मान गरिने योजना रहेको खबर प्रकाशमा आएको छ ।
Posted by Butwalonline
on 7:40 AM. Filed under
News,
Photo Gallery,
Prabasi News
.
You can follow any responses to this entry through the RSS 2.0.
Feel free to leave a response
