नेकपा माओवादी सहित साना दलले आव्हान गरेको नेपाल वन्द खुलेपछि जनजीवन समान्य

नेकपा एकिकृतका केन्द्रिय सदस्य प्रेम सुबेदीले जनताका मुद्धा पछाडि पारेर प्रमुख दलहरु सत्ता स्वार्थमा केन्द्रित भएको आरोप लगाउनुभयो । उहाले बन्दको क्रममा सहयोग पुऱ्याउने सबैलाई आभार ब्यक्त गर्नुभयो । कोणसभा नेकपा माओबादीका जिल्ला सेक्रेटरी गोबिन्द पंगेनीको संचालनमा भएको हो । दिनभरको बन्दको कारण आज यस क्षेत्रको जनजिवन विहानैबाट प्रभावित बनेको थियो । बर्तमान सरकारको विघटन, गोलमेच सम्मेलनबाट राष्ट्रिय सरकारको गठन, प्रधानन्यायाधिसको नेतृत्वमा सरकार गठन गर्न नहुने भन्दै आव्हान गरिएको बन्द सफल पार्न विहानैबाट कार्यकर्ताहरु चोकचोकमा जम्मा भएका थिए । बन्दका कारण पसल, शिक्षण संस्था, उद्योग कलकारखाना पुर्ण रुपमा बन्द रहे ।

बन्दका कारण पुर्वपश्चिम राजमार्ग लगायत बजारका भित्री सडकमा समेत  सवारीका साधनहरु गुड्न सकेनन् । विगतका बन्दमा फाट्टफुट्ट रुपमा साना सवारी साधन चल्ने बजारका भित्री सडकहरु पनि आज सुनसान देखिन्थे । बन्द आयोजकहरु जनस्वयंसेवक लेखिएको रातो ज्याकेट लगाएर सडक तथा बजारका चोकचोकमा हातमा लट्ठी लिएर बन्द गराउन बसेका थिए । पाल्पामा भने महोत्सव सञ्चालन अवधिभर कुनैपनी राजनितिक दलहरुले बन्द नगर्ने प्रतिवद्धता जनाए अनुसार यातायात संचालनमा अवरोध नगरिएको बताईएको छ । अर्घाखांचीमा पनि विभिन्न संघसंस्थाको आग्रहमा बन्दको कार्यक्रम फिर्ता लिईएको बताईएको छ । कपिलबस्तु र नवलपरासीमा भने बन्दले दिनभर जनजीवन प्रभावीत भचएको हाम्रा सहकर्मीहरुले जनाएका छन् ।