लुम्बिनीमा संभाबित लगानीहरुका बारेमा छलफल
बिनोद परियार,बुटवल ,फागुन २३सिद्धार्थनगर उद्योग वाणिज्य संघ, रुपन्देहीमा लुम्बिनी विकास कोषका पदाधिकारीहरुबिच लुम्बिनीमा संभाबित लगानीहरुका बारेमा छलफल भएको छ । संघका अध्यक्ष बिष्णु प्रसाद शर्मा र कोषका उपाध्यक्ष आचार्य कर्मा साबो बिच छलफल भएको हो । सो अवसरमा लुम्बिनीको विकासमा निजी क्षेत्रको लगानीका विषयमा आवश्यक सरसल्लाह गरिएको थियो ।
उक्त भेटघाटमा लुम्बिनी विकास कोषका तर्फबाट आगामी दिनमा लुम्बिनी विकासको गुरुयोजनालाई कसरी सफल रुपमा अगाडी लैजाने र लुम्बिनीको गुरुयोजना अनुसार लुम्बिनीमा संभावित लगानीका सन्दर्भमा छलफल गरिएको थियो । लुम्बिनीमा निजी क्षेत्रको तर्फबाट लगानी गर्न सकिने भ्यू टावर निमार्ण, सौर्यउर्जा वाहन लगायतका सेवामुखी परियोजनाका बारेमा ईच्छुक निजि क्षेत्रलाई आकर्षित गर्ने खालका कार्यक्रम कसरी ल्याउने भन्ने बिषयमा छलफल गरिएको थियो । संघका अध्यक्ष विष्णु प्रसाद शर्माले लुम्बिनी भित्र रहेका विभिन्न मोनाष्ट्रीहरुले अतिथी गृहलाई होटल कै रुपमा प्रयोग गरेको भन्दै त्यसतर्फ ध्यानाकर्षण गराउनु भएको थियो । कार्यक्रममा संघका कार्यसमिति सदस्य विजय पान्डे, नेत्र प्रसाद आचार्य, संघका कार्यकारी सचिव आनन्द खनाल, कार्यकारी उपसचिव खगेन्द्र शर्मा लगायतको सहभागीता रहेको थियो ।
Posted by Butwalonline
on 6:40 AM. Filed under
Local News
.
You can follow any responses to this entry through the RSS 2.0.
Feel free to leave a response
