जातीय विभेद उन्मुलन सम्बन्धि अन्तरक्रिया कार्यक्रम सम्पन्न
बिनोद परियार/बालकृष्ण पाण्डे रूपन्देही,८ चैत । जातिय विभेदका विरुद्ध राजनितिक पार्टी,बौद्धिक जमात र राज्यले अभियाननै संचालन गर्नुपर्ने सरोकारवालाहरुले बताएका छन् । नेपालका दलित समुदाय विभेदको मारमा परेको बताउदै यसका विरुद्ध सबै एकजुट भएर सामाजिक जागरणको अभियानमा जुट्नुपर्ने उनीहरुको भनाई छ ।
४८ औं अन्तराष्ट्रिय जाती तथा रंगभेद उन्मूलन दिवसको सन्दर्भमा बिहिबार बुटवलमा आयोजित नेपालमा जातीय विभेद उन्मुलनका चुनौती र समाधानका उपायहरु बिषयक अन्तरक्रिया कार्यक्रममा सहभागिहरुले यस्तो धारणा ब्यक्त गरेका हुन् । २१ मार्चका दिन विश्वभर मनाईले दीवसलाई नेपालका दलित समुदायले प्रत्येक बर्ष मनाउने गर्छन ।सामाजिक संस्कार,धार्मिक मूल्य र मान्यताको नाममा जातीय छुवाछुत कायम रहेको भन्दै मानव समाजको लागि यस्तो कार्य लजास्जस्पद रहेको उनीहरुले तर्क गरे ।
दलित वर्ग उत्थान जिल्ला समन्वय समिति रुपन्देहीको आयोजना तथा जागरण मिडिया सेन्टर,दलित बर्ग उत्थान बुटवल नगर समन्वय समिति,जागरण मिडिया सेन्टर,दलित महिला संघ,महिला पैरवी मञ्च,नेपाल राष्ट्रिय दलित कल्याण संघ,समानताका लागि जागरण केन्द्र सहितका संघसंस्थाको सहआयोजनामा कार्यक्रम भएको हो ।
कार्यक्रममा बोल्दै रुपन्देहीका निमित्त प्रमुख जिल्ला अधिकारी कृष्ण प्रसाद खनालले कानुनी रुपमा जातिय भेदभाव र छुवाछुत दण्डित भएकाले कसैले पनि विभेद गरे प्रशाशन कारवाहीको दायरामा ल्याउन तयार रहेको बताउनुभयो । उहाँले मानिसहरु ब्यबहारिक रुपमा परिवर्तन हुन नसकेको भन्दै यस्ता गलत विचारलाई त्याग्न आग्रह समेत गर्नुभयो । स्थानीय विकास अधिकारी पेशल कुमार पोखरेलले नेपालमा सामाजिक संस्कारले बिभेद गरिएको बताउदै यस्ता गलत सोचाई राख्नेहरुलाई परिवर्तन गराउनुपर्ने बताउनुभयो । उहाँले जिविसको तर्फबाट दलित समुदायलाई सहयोग हुने बताउदै सबै मिलेर विभेद विरुद्ध एकजुट भएर समाज परिवर्तनमा लाग्नुपर्ने बताउनुभयो । नेपाल राष्ट्रिय दलित मुक्ति मोर्चाका केन्द्रिय सदस्य ज्योतीलाल विश्वकर्माले राजनितिक नेतृत्वले दलितका पक्षमा काम नगरेकै कारण विभेद अन्त्य हुन नसकेको बताउनुभयो ।
कार्यक्रममा कार्यपत्र प्रस्तुत गर्दै अधिवक्ता दीपा सुनारले कानुनको प्रभावकारी कार्यान्वयन नहुनु,प्रहरी प्रशानले छुवाछुतको मुद्धालाई गम्भिरतापुर्वक ध्यान नदिनु तथा धार्मिक संस्कारमा परिवर्तन नआउदा जातिय छुवाछुत अन्तय हुन नसकेको बताउनुभयो । कार्यपत्रमा टिप्पणी गर्दै लेखक ऋषि आजादले विभेद विरुद्धको अभिायनमा गैरदलित समुदायलाई समेत सहभागि गराउनुपर्ने बताउनुभयो । कार्यक्रममा,नेपाल राष्ट्रिय दलित संघका केन्द्रिय सदस्य रवि विक,उत्पीडित जातिय मुक्ति समाजका रुपन्देही सचिव सुरेन्द्र श्री विश्वकर्मा, मानव अधिकार तथा शान्ति समाजका केन्द्रिय सदस्य गोविन्द खनाल,दलित वर्ग उत्थान क्षेत्र न. ४ का संयोजक माया बराल बुटवल नगर समन्वय समितिका उपाध्यक्ष दीपक विक, जागरण मिडिया सेन्टरका कार्यक्रम संयोजक इन्द्र विक लगायतले बोल्दै जातिय छुवाछुत अन्तयका लागि राज्य जिम्मेवार हुनुपर्ने बताउनुभयो । समव्नय समितिका उपाध्यक्ष पदम बहादुर विकको अध्यक्षता,दलित महिला संघका मनु खड्काको स्वागत,तथा विनोद परियारको सञ्चालनमा कार्यक्रम भएको हो ।
Posted by Butwalonline
on 4:14 PM. Filed under
News,
Photo Gallery
.
You can follow any responses to this entry through the RSS 2.0.
Feel free to leave a response
