भवनका लागि सहयोगको आग्रह
बुटवल, २७ माघ । रुपन्देहीको मक्रहर–६ गणेशनगरमा क्रियाशील नव युवा पुर्णिमा क्लबले देउसी भैलो खेलेर संकलन गरेको रकमले सार्वजनिक भवन बनाउन शुरु गरेको छ ।
गाउंमा हुने सामाजिक कार्यक्रमका लागि भवनको अभाव भएकाले देउसी भैलो खेलेर संकलन गरेको एक लाख १० हजार रुपैयां लगानी गरेर मक्रहर ६ गणेशनगरमै सामाजिक भवन बनाउन शुरु गरेको हो । हाल भवनको ढलान मात्र गरिएको र भवनमा कोठा बनाउने ,झ्याल ढोका बनाउने लगायतका काम पुरा गर्न अन्दाजी डेढ लाख रुपैयां अपुग भएकाले सहयोग संकलन अभियान शुरु गरेको क्लबका अध्यक्ष डिल्लीराज शर्माले बताए । भवनको बांकी निर्माण काम पुरा गर्न स्थानीय समाजसेवी टेकसिंह थापा मगरको संयोजकत्वमा आर्थिक सहयोग संकलन समिति बनाइएको अध्यक्ष शर्माले जानकारी दिए । क्लबले भवनका लागि रु. एक हजार र सो भन्दा बढी सहयोग गर्ने दानवीरहरुको नाम भवनमा रहने शिलापत्रमा लेखेर राख्ने र सम्मान गर्ने निर्णय गरेको छ ।
Posted by Butwalonline
on 2:54 AM. Filed under
Local News
.
You can follow any responses to this entry through the RSS 2.0.
Feel free to leave a response
