शनिबारदेखि हप्तामा ९७ घण्टा लोडसेडिङ हुने
काठमाडौं, माघ ५ – शनिबारदेखि हप्तामा ९७ घण्टा लोडसेडिङ हुने भएको छ । शनिबारदेखि हप्ताको ६ दिन १४ घण्टा र १ दिन १३ घण्टा लोडसेडिङ हुने नेपाल विद्युत प्राधिकरणले जनाएको छ ।
प्राधिकरणले तालिका निकालेर भोलीदेखि हप्तामा ९७ घण्टा लोडसेडिङ हुने जानकारी दिएको हो । नदीमा पानीको बहाव घट्दै गएको र भारतले ३० मेगावाट विजुली कटौती गरेकाले आपुर्तीकोसन्तुलन मिलाउन लोडसेडिङको समय बढाउनु परेको प्राधिकरणले बताएको छ । अहिले दैनिक १२ घण्टा लोडसेडिङ हुने गरेको छ । स्रोत : उज्यालो नेटवर्क
