चितवन महोत्सव २०६९ को तयारी पूरा
चाँदनी हमाल, चितवन, पुस २४- पुस २५ गतेदेखि सुरु हुने चितवन महोत्सव तथा मध्यमाञ्चल व्यापार मेला २०६९ को तयारी पूरा भएको छ। भएका काममा मिलाउने कार्य भइरहेको महोत्सव समितिका पदाधिकारीले जानकारी दिए। मुख्य आयोजक उद्योग वाणिज्य संघ चितवन रहेको महोत्सवको उद्घाटन राष्ट्रपति रामवरण यादवले गर्नेछन्।
मध्य नेपालमा लगानी भित्र्याउने महत्वाकांक्षी योजना रहेको महोत्सवमा यस वर्ष इन्भेष्ट मिड नेपाल अर्थात् मध्यक्षेत्रमा लगानी गरौ भन्ने नाराका साथ लगानीका लागि आह्वान गरिँदैछ।
आर्कषणको रुपमा महोत्सवको दोस्रो, तेस्रो र चौथो दिन राष्ट्रिय स्तरको गोष्ठी हुने महोत्सवका संयोजक डा. तिलचन्द्र भट्टराईले बताए। लोडसेडिङ घटाउने हाइड्रोपावर, फास्ट ट्र्याक सहितका ठूला परियोजनामा विदेशी लगानीकर्तालाई चितवनमा लगानीका लागि प्रोत्साहन गर्ने उद्देश्यले 'इन्भेष्ट मिड नेपाल'को अवधारणा अनुरुप प्रत्येक दिन अन्तराष्ट्रिय विज्ञको साथमा गोष्ठि गर्न लागिएको उनले जानकारी दिए।
गोष्ठीमा गैरआवासीय नेपाली, नेपाल उद्योग वाणिज्य महासंघका प्रतिनिधि, लगानि बोर्डका प्रतिनिधिका साथमा प्रत्यके दिन अन्तर्राष्ट्रिय विज्ञको सहभागिता हुने छन्। जापानका प्रोफेसर र्योकिचि हिरोना, चीनको हाईब्रिड सिड प्रोडक्सनका प्रोफेसर हुवाङ्ग दाहुई र भारतको मेदान्त सिटी अस्पतालका डा नरेश त्रेयान जस्ता विज्ञहरुले गोष्ठिमा सहभागिता जनाउँदै छन्। सम्मेलनमा नीतिगत पाटोका लागि नेपालका पूर्व प्रधानमन्त्री र अर्थमन्त्रीहरुको विशेष सहभागिता रहने आयोजकले जनाएको छ। सम्मेनमा प्रस्तुत हुने परियोजनामध्ये पाँच वटामात्र यो वर्ष कार्यान्वयनमा आउनसक्यो भने महोत्सवको ठूलो सफलता हुने पूर्व अध्यक्ष उत्तमलाल चुके बताउँछन्। कम्तीमा पाँच वटा परियोजनामा लगानीको प्रयास थाल्नेमा उद्योग वाणिज्य महासंघ पनि प्रतिबद्ध रहेको उनको भनाई थियो।
सोमबार आयोजित महोत्सवको दोस्रो पत्रकार सम्मेलनमा परिसरमा ४ सय ७२ स्टल रहने र जसमा १८ ओटा अन्तर्राष्ट्रिय स्टल र ६ अटोको विशेष स्टल रहने जनाइएको छ। विशेष प्राथमिकता दिएको परिसर केरा खेती गर्दै गरेका किसानको प्रतिमूर्ती परिसरमा राखिनेछ। त्यस्तै माछा मार्ने वल्छीबाट अवलोकनकर्ताले परिसरमै बनाएको पोखरीमा माछा मारेर लैजान पाउने व्यवस्था गरिएको छ।
यसवर्ष महोत्सव अन्तरगा पोखरा बसपार्कमा यही पुस २९, माघ २ र ३ गते फुड फेष्टिवलको समेत आयोजना गरेको प्रबर्द्धन समितीका उत्तम लाल चुकेले बताए । महोत्सवमा हेलीकप्टरवाट चितवनका रमणीय ठाउँको अवलोकन ,र्याफ्टिङ्ग र मोटरवोट सफारीको व्यवस्था गरिएको छ भने, बोटेहरुबीच डुंगा दौड हुँदैछ। यस्तैकेरा र माछाका विषेष प्रदर्शन सहितका विभिन कृषि जन्य प्रदर्शनी हुने आयोजकले जनाउँदैछ।
बीचभलिवल, स्लो साइकल रेसजस्ता खेलकुदले पनि दर्शकलाई मनोरञ्जन दिइँदैछ।
माघ ५ गतेसम्म चल्ने महोत्सवमा ४ लाख ५० हजार दर्शकले अवलोकन गर्ने र करिब २५ करोडको कारोवार हुने अनुमान गरिएको छ। महोत्सवमा रहेका परिसरका लागि पाँचकरोडको बिमाको व्यवस्था गरिएको आर्थिक समितीका संयोजक रमेश कुमार पियाले बताए। नेपाली सामानमात्र हैन विदेशबाट सिधै आएका चिन ,थाईल्याण्ड , जापान, सामान खरिद गर्ने मौका अवलोकनकर्ताले पाउने प्रवर्द्धक समितीका संयोजक कल्याण जोशी बताउछन्। सुरक्षाका लागि प्रमुख जिल्ला अधिकारीको संयोजकत्वमा सुरक्षा समिति र आन्तरिक सुरक्षासहित सम्बेदनशिल ठाउँमा सीसी टिभी जडान गरिएका छन्। स्रोत : नागरिक न्यूज
Posted by Butwalonline
on 6:52 AM. Filed under
