मुम्वई प्रेस क्लवका अध्यक्ष सहित वरिष्ठ पत्रकारहरु नेपाल भ्रमणमा आउने
रुपन्देही,मंसिर २६- दक्षिण भारतको मुम्वई प्रेस क्लवका अध्यक्ष सहितका ११ जना वरिष्ठ पत्रकारहरुको टोली नेपाल भ्रमणको क्रममा भोली वुधवार रुपन्देही आउने भएका छन । नेपाल पत्रकार महासंघको निमन्त्रणमा मंसिर २५ देखी पुस २ गते सम्म ८ दिने नेपाल भ्रमणमा आएको टोलीले दुई दिन वुद्ध जन्मस्थल लुम्विनीको अवलोकन भ्रमण गर्नुका साथै भैरहवा र बुटवलमा अन्तक्र्रिया गर्ने कार्यक्रम रहेको पत्रकार महासंघ रुपन्देहीले जनाएको छ ।
महासंघ रुपन्देहीका सचिव यानेन्द्र जीसीद्धारा आज मंगलबार जारी विज्ञप्तीमा सो भ्रमणले नेपाल र भारतका पत्रकारहरु वीच आपसी सम्वन्ध सुदृढ हुने व्यवसायीक अनुभव आदान प्रदान हुने र भावी दिनमा प्रेस तथा अभिव्यक्ति स्वतन्त्रताका पक्षमा संयुक्तरुपमा अघि वढन समेत मद्दत मिल्ने उल्लेख छ । रुपन्देही भ्रमणका क्रममा मुम्वई प्रेस क्लवका वरिष्ट पत्रकारहरु सहित नेपाल पत्रकार महासंघका केन्द्रिय समितिको नेतृत्व तहको समेत सहभागिता हुने जनाईएको छ । दुई दिने रुपन्देही भ्रमणपछि सो टोली पोखरा जाने कार्यक्रम रहेको पत्रकार महासंघ रुपन्देहीले जनाएको छ ।
Posted by Butwalonline
on 5:59 PM. Filed under
