विश्वकै कम तौल भनी दावी गरिएको कुखुराको अण्डा लुम्बिनी एक्स्पो–२०१२ मा

बिनोद परियार,बुटवल ,मंसिर २६- बुटवलमा आयोजना हुन लागेको लुम्बिनी एक्स्पो–२०१२ तथा अन्तर्राष्ट्रिय व्यापार मेलामा सहभागी हुने होटल तथा रेष्टुरेन्ट सम्बन्धी स्टलहरुको अनुगमन गरिने भएको छ । कम व्यवस्थापनको अभाव र कम गुणस्तरीय खाद्य सामग्रीका कारण विगतका वर्षहरुमा आलोचित बन्दै आएको होटल रेष्टुरेन्टको क्षेत्रलाई यसवर्ष अनुगमन गर्न लागिएको हो ।

होटल तथा रेष्टुरेन्ट सम्बन्धी स्टलहरुको अनुगमनका लागि होटल तथा रेष्टुरेन्ट व्यवसायी संघ, आयोजक रुपन्देही व्यापार संघ र पत्रकार सम्मिलित फूड फेस्टिबल अनुगमन समिति गठन गरिएको छ । रुद्रमान ढकालको नेतृत्वमा गठन गरिएको समितिमा आयोजकका तर्फबाट संघका कार्यसमिति सदस्य माधव नेपाल, होटल व्यवसायी संघका तर्फबाट महासचिव समुन्द्र जिसी र रामप्रसाद गौतम तथा पत्रकार यमलाल भुसाल सदस्य रहेका छन् ।

मेलामा होटल तथा रेष्टुरेन्ट सम्बन्धी करिव २० वटा स्टल रहने छन् । यसैगरि रुपन्देही व्यापार संघको आयोजनामा बुटवलमा हुन लागेको लुम्बिनी एक्स्पोमा विश्वकै सबैभन्दा कम तौल दाबी गरिएको कुखुराको अण्डा प्रदर्शनका लागि राखिने भएको छ ।दर्शकहरुलाई आकर्षण प्रदान गर्न विश्वकै कम तौल भनी दावी गरिएको कुखुराको अण्डा प्रदर्शन गर्ने व्यवस्था आयोजकले मिलाएको हो ।बुटवल–१४ नया गाउामा उत्पादन भएको उक्त अण्डा सबैभन्दा सानो रहेको र यसको विश्व रेकर्ड कायम गराउन सरकारले समेत प्रमाणपत्र समेत दिइसकेको बताइएको छ । अण्डा उत्पादकले गिनिज बुकमा नाम दर्ता गराउने उद्देश्यले उक्त अण्डा मेलामा प्रदर्शनका लागि राख्न लागेका हुन् । त्यस्तै मेलामा शैक्षिक गतिबिधिलाई पनि प्राथमिकता दिइने भएको छ । पुस्तकका स्टलहरु राख्नका लागि नेपाल पुस्तक तथा स्टेशनरी व्यवशायी महासंघसाग समन्वय गरिएको छ । मेलामा आकर्षण दिन भर्खरै बजारमा आएका र चर्चामा रहेका पुस्तकलाई स्टलमा राखिने नेपाल पुस्तक तथा स्टेशनरी व्यवशायी महासंघ रुपन्देहीका अध्यक्ष हेमानन्द शर्माले  बताउनुभयो |