मलेसियामा एक नेपालीद्वारा झुण्डिएर आत्महत्या
क्वालालम्पुर । मलेसियामा एक नेपालीले झुण्डिएर आत्महत्या गरेका छन । मोरङको डाँगिहाट ४ वाहुने घर भएका २० वर्षका प्रेम वहादुर वस्नेतले शनिवार विहान झुण्डिएर आत्महत्या गरेका हुन ।
छ महिना अघिमात्रै काठमाण्डौमा रहेको विराट ओभरसिजवाट मुहारको ग्रिसिक भन्ने ठाँउमा इनस्टालिङ सोफा कम्पनीमा रोजगारीको लागि उनी आएका थिए ।
शनिवार विहान साथीभाईले काम गर्न आउदा म केहि समय पछि आउछु भनेर भनेका प्रेमले साथीभाईहरु कम्पनीमा गएको मौका छोपेर आत्महत्या गरेका हुन ।केहि दिन देखि उनी केहि खिन्न अवस्थामा रहने गरेको साथीहरुले बताएका छन । साथीहरुले के भएको छ भनेर सोध्दा ‘जे भएको छ मलाई मात्रै थाहा छ,’ भन्ने जस्तो उत्तर दिने गरेको साथीहरु वताउछन ।
मृतकको शवलाई पोस्टमार्टमको लागि नजिकैको अस्पतालमा राखिएको छ भने शवलाई नेपालपठाउने तयारी भैरहेको जनक चौलागाईले जानकारी दिएका छन् ।
स्रोत :ऑनलाइन खबर
Posted by Butwalonline
on 7:32 AM. Filed under
