रात्रिबस र ट्रक ठोक्किँदा दुई यात्रुको घटनास्थलमा मृत्यु
हेटौँडा, कात्तिक ३ - काठमाडौंबाट काँकडभिट्टा-झापातर्फ जान आइरहेको ना२ख ९० नं रात्रिबससँग हेटौँडाबाट चितवनतर्फ जाँदै गरेको ना४ख १२३३ नंको ट्रक हेटौँडा-नारायणघाट खण्डको जयसिंमा गए राति १ बजे एकापसमा ठोक्किँदा रात्रिबसका दुई यात्रुको घटनास्थलमा मृत्यु भएको छ|
मृत्यु हुनेमा सङ्खुवासभा खाँदबारी बस्ने अन्दाजी ३३ वर्षिय किशोर कट्टेल र सुनसरी इनरुवा बस्ने २६ वर्षिय बसन्त मेहता रहेको जिल्ला प्रहरी कार्यालय मकवानपुरले जनाएको छ। उक्त दुर्घटनामा घाइते भएका २३ यात्रुको चितवन भरतपुरस्थित शिक्षण अस्पतालमा उपचार भइरहेको बताइएको छ। बसचालक र ट्रकचालकलाई प्रहरी अनुसन्धानका लागि नियन्त्रणमा लिइएको छ। रासस
स्रोत :नागरिक
Posted by Butwalonline
on 8:44 AM. Filed under
