छुरा प्रहारबाट प्रहरी जवानको मृत्यु
ताप्लेजुङ असोज ११ - ताप्लेजुङको चांगे १ मा रहेको इलाका प्रहरी कार्यालयमा कार्यरत एक प्रहरी जवानको हत्या भएको छ । बुधबार राती करिब ८ बजे अज्ञात हतियारधारी समूहले गस्तिमा रहेको प्रहरीमाथि धारिलो हतियार प्रहार गर्दा अन्दजी वर्ष २८ का प्रहरी जवान भुपेन्द्र आचार्यको ज्यान गएको जिल्ला प्रहरी कार्यालय ताप्लेजुङले जनाएको छ । मृतक आचार्यको शरिरको ढाडमा २ ठाउं छुरा प्रहार गरि हत्या भएको प्रहरीले जनाएको छ । घटनामा अर्का प्रहरी जवान २५ बर्षका चन्द्र राई गम्भीर घाइते भएका छन । उनको दाइने हातमा गंभीर चोट रहेको छ । राइलाई उपचारका लागि गए रातिनै जिल्ला बाहिर लगिएको छ ।
घटना लगत्तै हत्याराहरु फरार भएकाले हतियारधारी समूहको पहिचान हुन सकेको छैन । उनीहरुको खोजी भइरहेको बताएको छ । प्रहरीका अनुसार दिउसो मलामी आएका एक समूहले अत्याधिक मादक पदार्थ सेवन गरेका र प्रहरीले सम्झाउने क्रममा विवाद भएको र सोहि टोलिले राति गस्तिमा रहेको प्रहरी टोलिलाई आक्रमण गरेको हो । घटनामा सम्लग्न केहिलाई प्रहरीले नियन्त्रणमा लिई अनुसन्धान सुरु गरेको छ भने फरारको खोजिकार्य जारी रहेको प्रहरीले बताएको छ । घटना पछि दोभान बजारवासीहरु त्रसित भएका छन ।
स्रोत :ऑनलाइन खबर
Posted by Butwalonline
on 6:56 AM. Filed under
