अर्घाखाँची सेवा समाज दोहा कतारद्वारा विदाई कार्यक्रम सम्पन्न
अध्यक्ष युवराज पाण्डेको अध्यक्षता र द्धितीय उपाध्यक्ष चिरन्जीवी भटट्राईको स्वागत मन्तव्यबाट शुरु भएको उक्त कार्यक्रममा कार्य समिति सदस्यहरु तथा अन्य जिल्लाबासीहरुको उपस्थिति थियो । आफनो् कतारको कार्यकाललाई अन्त्य गरि सधैको लागि नेपाल फर्कने तयारीमा रहनुभएका सदस्यहरु क्रमश: अर्घाखाँची अर्घा १ का प्रकाश परियार, गोखुगांका अशोक भुसाल तथा खनदहका नारायण के.सी.लाई अध्यक्ष युवराज पाण्डेले कतार बसाईको अवसरमा संस्थामा आवद्ध भई सामाजिक कार्यमा महत्वपूर्ण योगदान गरेबापत दोसल्ला, मायाको चिनो तथा प्रशंसा पत्र प्रदान गर्नुभएको थियो ।
सो कार्यक्रममा संस्थाका प्रथम उपाध्यक्ष भुवन केसीले उहाहरुले संस्थाको सामाजिक सेवाको उद्देश्य प्रति दिनुभएको योगदान महत्वपूर्ण भएको, त्यस्लाई सेवा समाजले सधै कदर गर्ने र कतारको कार्यकालमा प्राप्त गरेका अनुभव सिप र दक्षतालाई नेपालमा लगानी गर्दै आगामी दिनहरुमा सफलताको लागि शुभकामना दिनुभएको थियो ।
उक्त कार्यक्रममा खगेश्वर भुसालले विदाई गित प्रस्तुत गरेर विदाईलाई अझ अर्थपूण बनाउनुभएको थियो भने सल्लाहकार युवराज पोख्रेल, कोषाध्क्ष टेकराज थापा, सचिव विष्णु प्रसाद भुसाल लगायत उपस्थित सम्पुर्ण सदस्यहरुले विदाई हुन लाग्नुभएका सदस्यहरुलाई शुभकामना दिनुभएको थियो, विदाई हुने सदस्यहरुले आफुले प्रदेशमा आएर अर्घाखाँची सेवा समाजमा आवद्ध भएपछि पारिवारिक बाताबरण पाएको, दुख सुख पोख्ने थलो एवं एक अर्काको विचमा सदभाव र एकताको कार्य गरेको भन्दै यो विदाइ कार्यक्रमको संस्कार एउटा अति नै उदाहारणीय कार्य भएको र यसलाई आफुहरुले जिवन भर नभुल्ने र जहा कतै भए पनि सेवा समाजको कदर र सामाजिक सेवाको जिम्मेवारीलाई वहन गर्ने बताउनु भएको थियो । दोहाको मुन्तजा पार्कमा सम्पन्न भएको उक्त कार्यक्रम सो संस्थाका सचिव विष्णु प्रसाद भुसालको सन्चालनमा सम्पन्न भएको थियो ।
Posted by Butwalonline
on 9:20 PM. Filed under
News,
Prabasi News
.
You can follow any responses to this entry through the RSS 2.0.
Feel free to leave a response
