यौन शोषणको अभियोगमा अनाथा आश्रमका निर्देशक पक्राउ
रुपन्देही जेठ
३० -डेढ वर्षदेखि बालआश्रममा रहेका बालिकाहरुलाई यौन शोषण गर्दै आएको अभियोगमा रुपन्देहीको अभिनाष अनाथा आश्रमका प्रवन्ध निर्देशक आशिष थापालाई प्रहरीले नियन्त्रणमा लिएको छ ।रुपन्देहीको मधवलीया-४, कोटीहवामा रहेको अभिनाष अनाथा आश्रममा रहेका बालिकाहरुलाई यौन शोषण गरेको अभयिोगामा प्रहरीले मंगलवार पक्राउ गरेको हो ।
निर्देशक थापाले आफूले बालिकाहरुलाई यौन शोषण गरेको स्वीकार समेत गरेका छन्।थापालाई काठमाडौबाट आउदै गर्दा प्रहरीको टोलीले नवलपरासीको डण्डाबाट पक्राउ गरेको हो।रुपन्देही प्रहरी उपरिक्षक रविन्द्र नाथ रेग्मीका अनुसार थापाले प्रहरीसंगको प्रारम्भीक बयानमा आफूले दुई बालिकामाथि यौन शोषण गर्दै आएको स्वीकार गरेका छन् ।घटनाका वारेमा थप अध्ययन गरेर थापालाई कानुन अनुसार हदैसम्मको कारवाही गरिने रेग्मीले वताउनुभयो ।प्रहरीले अनुसन्धानकालागी जिल्ला अदालत रुपन्देहीबाट ३ दिनको म्याद लिएको छ ।
समाचार ऑनलाइन खबरबाट
समाचार ऑनलाइन खबरबाट
Posted by Butwalonline
on 6:32 PM. Filed under
