९ थान सकेट बम भेटियो
बाजुरा, वैशाख २७ - माओवादीले द्वन्द्वको समयमा कार्यालय बनाएको बाजुराको रुगीन गाविस-५ स्थित घरमा सोमवार गते राति ९ वटा बम फेला परेको छ ।
तत्कालिन समयमा माओवादी कार्यालय रहेको स्थानीय परेवा बुडथापाको जीर्ण घर भित्र काठको बाकसमा खिया लागेको अवस्थामा नौ वटा सकेट बम भेटिएका जिल्ला प्रहरी कार्यालयले जनाएको छ । हाल कोही नबस्ने उक्त घर भित्र बम फेला पारेपछि स्थानीयले बिच्छ्याँ प्रहरी चौकीमा खबर गरेको प्रहरी नायव उपरीक्षक बहादुरजंग मल्लले बताए ।
सदरमुकाम मार्तडीदेखि करिब दुई दिनको पदैल दुरीमा पर्ने बम भेटिएको स्थानमा मंगलवार प्रहरी पुगेर वेवारिसे अवस्थाका ती बम निगरानीमा लिइसकेको मल्लले बताए । बमहरु निष्कृय गर्न सदरमुकामबाट सेनाको टोली त्यहाँ पठाउने प्रकृया सुरु गरिएको मार्तडीस्थित देबीबक्स गुल्मका गुल्मपति मनोज थापाले बताए । गाउँमा वेवारिसे बम भेटिएपछि स्थानिय बासिन्दा भने भयभित छन् ।
समाचार कांतिपुर बाट
Posted by Butwalonline
on 5:30 AM. Filed under
