मे ११ मा कतारमा `के म तिम्रो साथी बन्न सक्छु`

पछिल्लो समय संगीतले समेत बजार तताएको यस फिल्मको कतारमा अत्याधिक डिमाण्ड रहेको आयोजक समितीका प्रमुख शैलेन्द्र कठायतले जानकारी दिए । त्यसैले त उनी प्राय एक शो गरिने कतारमा फिल्मको दुई शो गर्ने तयारीमा छन् । यसअघि ‘मिस यु’ को सफल प्रिमियर गरिसकेका शैलेन्द्रले  बिदेशमा बस्ने नेपालीहरुले फरक धारका र उच्च प्रविधिमा बनेको फिल्म हेर्न चाहेकाले आफूले यसपटक 'के म तिम्रो साथी बन्न सक्छु' रोजेको बताए । 

 

युवानिर्देशक सबिर श्रेष्ठले निर्देशन गरेको फिल्ममा हरेकको रोजाई बनेका नायक आर्यन सिग्देलको साथमा नवप्रस्तुतीको रूपमा दिप्ती गिरीले मुख्य भुमिका निर्वाह गरेका छन् । साथमा सन्दिप सापकोटा, दिनेश डिसी, धिरेन शाक्य, टार्जन, शिशिर राणा, रमेश थापा लगायतले पनि फिल्ममा अभिनय गरेका छन् । सबै मिल्ने केटाकेटी व्वायफ्रेण्ड र गर्ल फ्रेण्ड हुँदैनन् । उनीहरू असल साथी मात्र पनि हुनसक्छन् भन्ने मूल भाव बोकेर निर्माण प्रेमकथानक सो फिल्मलाई कृषा चौलागाईंले निर्माण गरेकी हुन् ।