लोडसेडिङ कम गर्न डिजेल प्लान्ट ल्याउने तयारी
काठमाडौ, मंसिर २९ - मन्त्रिपरिषदबाट सीधै प्रस्ताव पारित गरी २ सय मेगावाटको डिजेल प्लान्ट ल्याउने गृहकार्य ऊर्जा मन्त्रालयले थालेको छ । चैतसम्म पहिलो चरणमा प्लान्ट राख्ने र अर्को हिउँदसम्ममा २ सय मेगावाट जडान गर्ने योजना मन्त्रालयको छ ।
१२ अर्ब रुपैयाँ खर्चेर जडान गरिने डिजेल प्लान्टका युनिटहरू विभिन्न सहरको विद्युत् केन्द्र (लोड सेन्टर) मा राख्ने योजना ऊर्जाको छ । यसबारे प्रधानमन्त्री बाबुराम भट्टराईलाई जानकारी गराएर छिट्टै निष्कर्षमा पुगिने ऊर्जामन्त्री पोस्टबहादुर बोगटीले जानकारी दिए ।
अर्को वर्ष दैनिक २१ घन्टासम्म लोडसेडिङ पुग्ने भएकाले डिजेल प्लान्ट ल्याउनुपर्ने निष्कर्षमा मन्त्रालय पुगेको बोगटीले बताए । यस वर्ष फागुनमा दैनिक १९ घन्टासम्म लोडसेडिङ पुग्ने प्रक्षेपण विद्युत् प्राधिकरणले गरेको छ ।
'यस वर्ष १ सय मेगावाटको प्लान्टमात्रै ल्याउन सके लोडसेडिङ दिनको ११ घन्टासम्म झार्न सकिनेछ,' उनले भने, '२ सय मेगावाटकै जडान भए ८ देखि ९ घन्टासम्म लोडसेडिङ झार्न सकिनेछ ।'
स्रोत :कान्तिपुर
१२ अर्ब रुपैयाँ खर्चेर जडान गरिने डिजेल प्लान्टका युनिटहरू विभिन्न सहरको विद्युत् केन्द्र (लोड सेन्टर) मा राख्ने योजना ऊर्जाको छ । यसबारे प्रधानमन्त्री बाबुराम भट्टराईलाई जानकारी गराएर छिट्टै निष्कर्षमा पुगिने ऊर्जामन्त्री पोस्टबहादुर बोगटीले जानकारी दिए ।
अर्को वर्ष दैनिक २१ घन्टासम्म लोडसेडिङ पुग्ने भएकाले डिजेल प्लान्ट ल्याउनुपर्ने निष्कर्षमा मन्त्रालय पुगेको बोगटीले बताए । यस वर्ष फागुनमा दैनिक १९ घन्टासम्म लोडसेडिङ पुग्ने प्रक्षेपण विद्युत् प्राधिकरणले गरेको छ ।
'यस वर्ष १ सय मेगावाटको प्लान्टमात्रै ल्याउन सके लोडसेडिङ दिनको ११ घन्टासम्म झार्न सकिनेछ,' उनले भने, '२ सय मेगावाटकै जडान भए ८ देखि ९ घन्टासम्म लोडसेडिङ झार्न सकिनेछ ।'
स्रोत :कान्तिपुर
Posted by Butwalonline
on 6:20 AM. Filed under
