आफ्नै श्रीमतीलाई कुटेर मारे श्रीमानले
पोखरा, फाल्गुन २८ - छिमेकी जिल्ला पर्वतको कुर्घा-३ का गोबिन्दबहादुर क्षेत्रीले ५१ बर्षीया श्रीमती बिष्णुकुमारीको हत्या गरेका छन । ५७ बर्षीय गोबिन्दलाई प्रहरीले पक्राउ गरेको छ ।
पर्बत प्रहरीका डिएसपी श्यामकृष्ण अधिकारीका अनुसार अत्याधिक मादक पदार्थ सेवन गरेका गोबिन्दले श्रीमतीलाई कुटपिट गरी हत्या गरेका छन । शनिवार दिउँसो ओछ्यानमा मृत फेला बिष्णुको पोष्टमार्टमपछि हत्या भएको खुलेको हो ।
शनिवार बिष्णुकुमारी बाहिर नदेखिएपछि स्थानीयले हत्याको शंका गरेका थिए । तर गोबिन्दले कोठामै सुतेको भन्दै गाउँलेलाई छक्याउँदै आएका थिए । तर छिमेकीले गएर हातको नाडी छामेपछि मृत्यु भएको भन्दै प्रहरीलाई खबर गरेका थिए ।
प्रहरी निरीक्षक श्याम अर्यालको नेतृत्वमा गएको टोलीले शव सदरमुकामस्थित जिल्ला अस्पतालमा ल्याएर पोष्टमार्टम गरेको थियो । मृतकको अनुहार र टाउकोमा गम्भिर चोट र करङसमेत भाँच्चिएको छ । गोबिन्दले श्रीमती बिष्णुमायालाई जाँतोमा टाउको ठोक्काएर र लौरोले हिर्काएर हत्या गरेको प्रहरीले स्थानीयको भनाई उद्धृत गर्दै जनाएको छ ।
प्रहरीका अनुसार दम्पत्तिले दिनहुँ मादक पदार्थ सेवन गरी झगडा र एकापसमा कुटाकुट गर्थे । श्रीमान्ले कुट्ने र श्रीमतीले ढोका नखोल्ने क्रियाकलाप लामो समयदेखि हुँदै आएको थियो ।
मृतकका दुई छोरा नेपाल प्रहरी र अन्य २ छोरा भारतमा कार्यरत छन । बुहारी र नातिनातिना सबै बाहिर रहेका र घरमा गोविन्दकी ९० बर्षीया आमामात्रै थिईन । स्रोत : कान्तिपुर
Posted by Butwalonline
on 7:12 PM. Filed under
News Source
.
You can follow any responses to this entry through the RSS 2.0.
Feel free to leave a response
