तीन दिने भित्ते पत्रिका तालिम शुरु
कपिलवस्तु, २७ माघ-कपिलवस्तुको तौलिहवामा महिला तथा बालबालिका कार्यालयद्धारा आयोजित तीन दिने भित्ते पत्रिका तालिम शुरु भएको छ । जिल्ला बाल संजालमामा आबद्ध बिद्यार्थीहरुलाई सशक्त बनाई गाबिस सम्म पहुच बढाउनका तालिम आयोजना गरिएको हो ।
सो अवसरमा पत्रकार महासंघा जिल्ला अध्यक्ष मनोज पौडेलले तालिमले स्थानीय स्तरमा रहेका सवालहरुलाई पहिचान गरी उठान गर्न मद्दत मिल्ने बिश्वास ब्यक्त गर्नु भयो । यस्तै कार्यक्रममा महिला तथा बालबालिका अधिकृत कलावति ओझाले बालबाकिलाका लागि गाबिसले १० प्रतिशत छुट्टाउनु पर्ने प्रावधान रहे पनि त्यस अनुसार नभएकाले त्यस्को जानकारी तथा दवावका लागि तालिम आयोजना गरिएको बताउनु भयो ।तालिममा आम संचार, पत्रकारिता, भित्ते पत्रिका प्रकाशन, बाल संजाललाई गाबिस सम्म पहुच बढाउने बारे छलफल गरिने आयोजकले जनाएको छ ।
Posted by Butwalonline
on 5:12 PM. Filed under
