रेसोको आयोजनामा खेल सप्ताह सम्पन्न

बुटवल, माघ २० । तिनाउ पश्चिमका निजी विद्यालयहरु आवद्ध तथा प्याव्सनको छाता सगंठन प्रेसोको आयोजनामा जारी खेल सप्ताहको शनिवार फाईनल चरणका सम्पुर्ण खेलहरु सम्पन्न भएका छन् । गजेडी खेल मैदानमा सम्पन्न क्रिकेटको उपाधि प्रभात उच्च माविले जितेको छ । टस जितेर व्याटिङ रोजेको प्रभातले १ सय १६ रनको टार्गेट दिएकोमा अक्सफोर्ड मोर्डन वोर्डीङ स्कुललाई ३४ रनमै प्याक गर्दै क्रिकेटको उपाधी जितेको हो ।

यस अघि शुक्रबार सम्पन्न क्रिकेट प्रतियोगीता तर्फको अन्तिम क्वाटरफाईलमा अक्सफोड इङ्लिस बोडिङ् स्कुल विजयी भएको थियो । त्यस्तै पहिलो सेमिफाइलमा प्रभात इङ्लिस बोडिङ स्कुल ३४ रनले विजयी भएको थियो । शुक्रवारै दोस्रो सेमिफाईल खेलमा १६ रनले अक्सफोर्ड बोडिङ् स्कुल विजयी भएको थियो । शनिवार फाइनल चरणका खेलहरु सम्पन्न भएपनि सप्ताहको समापन भने माघ २४ गते राज्य व्यवस्था समितीका अध्यक्ष तथा निवर्तमान सभाषद् रामनाथ ढकालको प्रमुख अतिथ्यतामा हुदैछ । समापन कार्यक्रममा माओवादीकी निवर्तमान सभासद् शारदा घिमीरे, नेपाली काङ्ग्रेसका निवर्तमान सभासद् भरत शाह, जिल्ला शिक्षा कार्यालयका अधिकारी, प्याव्सन अध्यक्ष कृष्ण खनाल, स्थानिय विकास अधिकारीको विशीष्ठ अतिथ्यता रहने छ । कार्यक्रममा प्याव्सन अन्र्तगत गठित विभीन्न क्षेत्रीय सगंठनका अध्यक्षहरु, राजनैनितक नेता, वुद्धीजिवी, समाजसेवि, विभीन्न विद्यालयहरुका शिक्षकहरु, अभिभावक, विद्यार्थी लगाएतको उपस्थिती रहने प्रेसोका अध्यक्ष नारायण खनालले जानकारी दिनुभयो । नृत्य प्रतियोगिता सहित प्रेसो सप्ताहको समापन हुने प्रेसो सचिव कृष्ण प्रसाद खनालले बताउनुभयो ।

Posted by Butwalonline on 11:48 PM. Filed under Local News . You can follow any responses to this entry through the RSS 2.0. Feel free to leave a response