अज्ञात समुहले गोली हानी दुई जनाको हत्या
रौतहट, चैत्र १२ - रौतहटमा आइतवार बिहान र दिउँसो छुट्टा छुट्टै घट्नामा दुई जनालाई गोली हानी हत्या गरिएको छ । हत्याराहरुको भने पहिचान हुन सकेको छैन ।
प्रहरी उपरीक्षक ठूले राईका अनुसार बिहान मकवानपुर, चुरीमाई–७ का विजय ढकाललाई रौतहटको धमौरा–८ वागमती सिंचाई नहरको डीलामा गोली हानी हत्या गरिएको हो ।
दिउँसो पाँच बजेतिर रौतहटकै गरुडा–७ की ३० बर्षीया फुलकली देविलाई अज्ञात समुहले गोली हानी हत्या गरेका हुन् । सामान्य घर गृहस्थीमा रहेकी महिलालाई कस्ले हत्या गर्यो भन्ने कुरा थाहा हुन सकेको छैन ।
प्रहरीका अनुसार मकवानपुरका ढकाल भने स्कारपियो जीपका चालक हुन् । शनिबार साँझ हेटौडाका रमेश थापाको बा८च २०४४ नम्बरको उक्त जीप सर्लाहीको मलंगवा जाने भन्दै भाडामा लिएका थिए ।
ति अपरिचत ब्यक्तिहरुलाई लिएर गएको जीप बागमती सिंचाईको किनारामा पुगेपछि चालक ढकालको कञ्चटमा गोली हानेर जीप लिएर फरार भएको प्रहरीले जनाएको छ ।
स्रोत :कांतिपुर
Posted by Butwalonline
on 2:58 PM. Filed under
