Press Release
२०६९ पौष २५
दैलेखका पत्रकार डेकेन्द्र थापाको हत्या प्रकरणको छानविन प्रक्रिया अगाडि वढीरहेको समयमा प्रधानमन्त्रीको दबाबमा छानबिन रोक्न लगाएको कदम प्रति अनेरास्ववियु घोर आपति प्रकट गर्दछ । प्रधानमन्त्रीको यस्तो हर्कत जतिशब्दले निन्दा गरेपनि कम हुन्छ । हत्यामा संलग्न स्वयम व्यक्तिहरूले अपराध स्वकार गरि सकेको अवस्थामा अपराधलाई वढवा दिने गरि प्रधानमन्त्रीले दबाब दिनु आमजनतालाई मृत्युको मुखमा धकेल्नु जस्तै खतनाक विषयक हो । ‘दुई दिनसम्म झुन्डाएर सिस्नो पानी र लौरोले कुटदापनि नमरेपछि जिउदै खाल्टो खनि पुरेको’ भन्ने बयान सार्वजनिक भएको छ । मानवअधिकार र युद्ध अपराधसाग जोडिएका यस्ता जघन्य घटना जो सुकैबाट जुनसुकै बेला घटेको भएता पनि त्यसको निस्पक्ष छानबिन हुनु पर्दछ । यसर्थ पत्रकार डेकेन्द्र थापाको हत्या प्रकरणको निस्पक्ष छानबिनको लागि अनेरास्ववियु जोडदार माग गर्दछ । साथै हत्यामा संलग्न लक्ष्मी राम घर्ति, जय बहादुर शाही, हरिलाल पुनमगर, निरक घर्ति मगर र बीर बहादुर केसीलाई हदैसम्मको कार्वाही प्रक्रिया अगाडि वढाउन जोडदार माग गर्दछौा ।
एस एलसीमा वोर्डफस्टको पगरी गुथेका प्रधानमन्त्री डा. बाबुराम भट्टराई हरेक क्षेत्रमा वोर्ड फस्तको दौर्डमा लागेका छन् । भ्रष्टचारमा वोर्ड फस्ट, राष्ट्र घातमा वोर्ड फस्ट, मंहगीमा वोर्ड फस्तको चिनारी वनाएका प्रधानमन्त्रीले फेरी अर्को कृर्तिमानी थपेका छन् यतिवेला । प्रधानमन्त्रीको पद दुरूपयोग गरेर अपराधिहरूलाई उन्मुक्ति दिलाउने काममा पनि उनले सबैलाई उछिनेका छन् । यि सम्पूर्ण कृर्तिमानप्रति अनेरास्ववियु खेद प्रकट गर्दछ ।
सतहमा आई सकेको यस हत्या प्रकरणलाई ढाकछोप गर्ने, बिभिन्न बहानामा कमजोर पार्ने खडयन्त्र भएमा त्यसको बिरूद्ध अनेरास्ववियु कडा संघर्षमा उत्रने चेतावनि दिन चाहन्छ ।
हार्दिक अभिवादन सहित !
माधव ढुङ्गेल
Posted by Butwalonline
on 7:22 PM. Filed under
Press Release
.
You can follow any responses to this entry through the RSS 2.0.
Feel free to leave a response
