४ दिनदेखि बेपत्ता पारिएकी १४ बर्षिय बालिका प्रहरीद्धारा उद्धार
बिनोद परियार,बुटवल ,माघ १४ -वालिका अपहरणमा संलग्नहरुलाई ईलाका प्रहरी कार्यालय बुटवलले म्याद थपेर अनुसन्धान बढाएको जनाएको छ ।बिक्री गर्नका लागि ४ दिनदेखि बेपत्ता पारिएकी बुटवल–११, इट्टाभट्टीकी १४ बर्षिय बालिका सिर्जना परियारलाई प्रहरीले हिजो उद्धार गरेको थियो ।
एउटै घरमा बस्ने बर्षा अधिकारी सहित उनको परिवारले परियारलाई बेपत्ता पारेका थिए । ईलाका प्रहरी कार्यालय बुटवलका डिएसपि राजकुमार बैदवारले वालिका वेपत्तामा संलग्नहरुको बारेमा अनुसन्धान भईरहेको बताउनुभयो । उहाले म्याद थपेर अनुसन्धान अगाडि बढाईएको र दोषीलाई कारवाही हुने बताउनुभयो । तर आफन्त र स्थानीयले भने दोषी उम्कने आशंकाले कारवाहीको माग गर्दै आज पनि ईलाका प्रहरी कार्यालयमा दवाव दिएका छन् । उनीहरुले दिनभर दोषीलाई कडा कारवाही गर्न प्रहरीलाई दवाव दिएका थिए । वेपत्ता भएको चार दिनसम्म पनि प्रहरीले चासो नलिएपछि स्थानीयको दवावमा प्रहरीले सक्रियता बढाएको बताउदै फेरी दोषीहरु उम्कन सक्ने आफन्तहरुले आशंका गरेका हुन । सिर्जनाका बुवा कृष्ण परियारले छोरीलाई बेच्न खोज्नेलाई कडा कारवाही हुनुपर्ने माग गर्नुभएको छ । बिक्री गर्ने योजनाका साथ बर्षा, उनका बाबु गोपाल र आमा पद्मा अधिकारी र उनकी बहिनीले ललाईफकाई देवदह लगेको बालिकाको परिवारले जनाएका छन्
Posted by Butwalonline
on 7:04 PM. Filed under
