लागु पर्दाथको दुष्परिणाम न्युनिकरण विषयक सार्वजनिक सम्वाद
नेपालगन्ज,पुस २४ - भारतीय सिमा सग जोडिएको जयसपुरमा बुधबार लागु औषध न्युनिकरणका सम्बन्धमा एक कार्यक्रम गरिने भएको छ ।
शान्तिका लागि सहकार्यात्मक नेतृत्व र संम्बाद अन्र्तगत नेपाल मानव अधिकार संगठन बाकेको आयोजनामा लागु पर्दाथको दुष्परिणाम न्युनिकरण विषयक सार्वजनिक सम्वाद कार्यक्रम गर्न लागिएको संगठन बाकेका सभापति गणेश रेग्मीले जानकारी दिनुभयो ।
कार्यक्रमको आवश्यक तयारी पुरा भएको उहाले बताउनु भयो । सार्वजनिक सम्बाद कार्यक्रममा जिल्ला तथा गाविस स्तरिय बिभिन्न सरोकारवाला निकाय, जयसपुरका स्थानिय बासिन्दा लगायतको सहभागिता रहने भएको छ । कार्यक्रममा बाकेका प्रमुख जिल्ला अधिकारी ढुडिराज पोख्रेल, प्रहरी प्रमुख बिक्रम सिंह थापा, लगायतका सरकारी निकायका प्रमुखलाई पनि आमन्त्रण गरिएको मानव अधिकार संगठन बाकेले जनाएको छ ।
कार्यक्रम मध्यान्ह १२ बजेतिर सिमा प्रहरी चौकी जयसपुर नजिकै गरिने बताईएको छ ।लागु औषधको कारोबार तथा प्रयोग बढ्न थालेपछि न्युनिकरणका लागि मानव अधिकार संगठनले सो क्षेत्रमा बिभिन्न कार्यक्रम संचालन गर्दै आएको छ ।
Posted by Butwalonline
on 6:42 PM. Filed under
National News,
News
.
You can follow any responses to this entry through the RSS 2.0.
Feel free to leave a response
