डेक्सोलोजी प्रेयर्स युथ क्लवले विन्टर फुड फेस्टिवल २०१३ गर्ने

बुटवल, माघ १४-बुटवल १० सुख्खानगरका युवाहरुको संगठन डेक्सोलोजी प्रेयर्स युथ क्लवले विन्टर फुड फेस्टिवल २०१३’ गर्ने भएको छ । बुटवल बाल मन्दिरमा यहि फागुन ३ गतेदखि ५ गतेसम्म फेस्टिबल गर्न लागिएको हो ।

क्लबले आईतबार पत्रकार सम्मेलनको आयोजना गरि एम्बुलेन्स खरिदका लागि फुड फेस्टिबल गर्न लागिएको जनाएको हो । स्वदेशी तथा विदेशी परिकारहरु समावेश गरि सामाजिक सेव ागर्ने उदेश्यले मेल गर्न लागिएको अध्यक्ष कान्ता कडेलले बताउनुभयो । फरक र नयाँ खालको फेस्टिबल भएकाले सबैको सहयोगको आफुहरुले अपेक्षा राखेको उहाँले बताउनुभयो । होटल म्यानेजमेन्ट पढेका विद्यार्थीहरुले प्रयोगात्मक रुपमा विभिन्न परिकारहरु बनाउनुका साथै सस्तोमा गुणस्तरीय खानाहरु एकै थलोमा उपलब्ध गराइने क्लबका सल्लाहार कमल कुवरले बताउनुभयो । उहाँका अुनसार स्वदेशी विदेशी र जातजातीका विभिन्न परिकारहरु स्टलमा राखिने छ । फेस्टिवलका लागि  स्टल बुकिङ खुल्ला गरिएको समेत पत्रकार सम्मेलनमा उहाँ जानकारी दिनुभयो । ३० देखि ३५ वटासम्म स्टल राख्ने लक्ष्य रहेको बताउदै प्रवेशका लागि न्यूनतम शुल्क तय गरिने समेत आयोजकले बताएका छन् । तीन दिने मेलाबाट १० देखि १२ लाखसम्म रकम संकलन गर्ने अपेक्षा राखेको आयोजकले जनाएका छन् ।

Posted by Butwalonline on 10:51 PM. Filed under Economy, Local News . You can follow any responses to this entry through the RSS 2.0. Feel free to leave a response