ढेड हजार कृषक परिवारद्धारा तरकारी खेतीबाट मनग्य आम्दानी

किरणमान बज्राचार्य,कपिवलवस्तु, ३० मंसिर-कपिलवस्तुका ढेड हजार कृषक परिवारहरु तरकारी उत्पादन गरी मनग्य आम्दानी गरीरहेका छन् । जिल्लाका आठ गाबिस र नगरपालिका गरी ढेड हजार कृषकहरु यति बेला आफुले उत्पादन गरेका बिभिन्न तरकारीहरुबाट राम्रो आम्दानी गरीरहेका हुन ।

धान, गहु खेती गरेर घर खर्चका लागि मात्र तरकारी खेती गर्दै आएका उनीहरुले अहिले ब्यवसायिक तरकारी खेती गरी लाखौ आम्दानी गरेको बताएका छन् । कोपवा, निग्लिहवा, तिलौराकोट, धनकौली, बुढ्ढी, बासखोर, नन्दनगर, र कपिलवस्तु नगरपािलमा यु.एस.एड.को सहयोगमा कपिलवस्तु ईन्ट्रीगेट सर्भिसेज (किड्स) नामक संस्थाको पहलमा ग्रमीण सम्बृद्धिका लागि बजार पहुाच कार्यक्रा लागु भए पछि आफुहरु ब्यवसायिक तरकारी खेती तर्फ उन्मुख भएको कृषकहरु बताउछन् । ती गाबिसहरुमा सो कार्यक्रम अन्र्तगत कृषक समुह गठन गरी तरकारी खेतीका लागिर्  तालिम लगायतका प्राबिधिक सहयोग गरे पछि तरकारी खेती तर्फ आकर्षित भएको उनीहरु बताउछन् ।

ब्यवसासियक तरकारी खेती गरी यस बर्ष मात्रै एक लाख बढी आम्दानी गरेका तिलौराकोट गाबिसका अगुवा कृषक बिष्णु बढईले तरकारी खेती आफनो लागि बरदान भएको बताउनु हुन्छ । “ यस अघि धान र गहाको खेती गरी घरको लागि मात्र थारै तरकारी उत्पादन गथ्र्यौ, तर अहिले यसबैबाट बार्षिक लाख रुपेया बढी आम्दानी हुने गरेको छ । ” बढईले गर्वका साथ भन्नु भयो । भाडा र निजी जग्गा गरी २० कठ्ठामा तरकारी खेती गर्नु भएका उहााले आफुहरुलाई उत्पादीत तरकारीको  बजारको समेत समस्या नभएको बताउनु भयो । उत्पादीत तरकारी बुटवल, अर्घाखाची, तौलिहवा लगायतका ब्यापारीहरु किन्नका लागि घर मै आउने गरेका उहाले बताउनु भयो । तिालौराकोट– ५ रुधौलामा सो कार्यक्रम अन्र्तगत दिप ज्योति कृषक समुह समेत गठन भएको छ । जसको अगुवा समेत बढई नै हुनु हुन्छ । समुहका २४ सदस्यले नै सामुहिक र ब्यक्तिगत तरकारी खेती गरी आम्दानी गरीरहेका छन् ।

तिलौराकोट मात्र हैन सो कार्यक्रम संचालनभएको गाबिसहरुमा समेत अहिले ब्यवसायिक तरकारी खेती गर्ने लहर नै चलको छ । ती गाबिसहरुमा कृषकहरुले गोभी, बन्दा गोभी, भान्टा, लौका,, करेला, बोडी, काक्रो लगायत १० जातका तरकारी उत्पादन गरेका छन् । एक सय ७५ हेक्टर क्षेत्रफलमा लगाएको तरकारीबाट दुई हजार छ सय मेट्रिक टन तरकारी उत्पादन भएको किड्सले जनाएको छ ।

कृषकहरुलाई नर्सरी, प्राङ्गगारिक मल, बेर्ना सार्ने, पोष्ट हार्वेष्ट, खाद्य तत्व ब्यवस्थापन, एकीकृत शत्रु जीव ब्यव्सथापन र बाली संरक्षणका बिषयमा तालिम, बेर्ना, २५ स्यालो टियुवेल प्रदान गरिएको सस्थाका अध्यक्ष कृष्ण द्धिवेदीले बताउनु भयो । कृषकहरुलाई जिल्ला तथा क्षेत्रीय ब्यपारी, एग्रोभेट, कृषि प्राविधकसंग प्रत्यक्ष भेटघाट गराएर संबन्ध स्थापित गराईएकाले कृषकहरुलाई सजिलो भएको उहााले बताउनु भयो । सो कार्यक्रम अन्र्तगत निग्लिहवा गाबिसको पचेहरामा हाट बजार र संकलन केन्द्र तथा बुढ्ढी गाबिसमा हाट बजार संचालन गरिएको बताईएको छ ।



फोटो बिवरण : कपिलवस्तुको तिलौराकोट गाबिस– ५ बर्मेलीमा उत्पादन भएको गोभी देखाउदै अगुवा कृषक बिष्णु बढइ ।

तस्बिर : किरणमान बज्राचार्य