शिक्षक संगठन रुपन्देहीद्धारा नवआगन्तुक जिसिअलाई स्वागत

बुटवल, मंसिर २९ - अखिल नेपाल राष्ट्रिय शिक्षक संगठन रुपन्देहीले भर्खरैमात्र सरुवा भई आउनुभएका नवआगन्तुक जिल्ला शिक्षा अधिकारी विष्णु प्रसाद अधिकारीलाई शुक्रबार स्वागत गरेको छ ।

शंकरनगरमा आयोजित एक कार्यक्रमका विच संगठनले जिशिअ अधिकारीलाई स्वागत गरेको हो । स्वागत कार्यक्रममा बोल्दै जिशिअ अधिकारीले जिल्लाको शैक्षिक गतिविधीमा साझा समझदारी र सिद्धान्त अनुरुप कामगर्ने बताउनुभयो । उहांले सबै संगठनकाहरुका विचमा एकल मापदण्ड कायम राख्न संगठनले सहयोग गर्नुपर्नेमा जोड दिनुभयो ।

संगठनका अध्यक्ष कृष्णप्रसाद घिमिरेको अध्यक्षता, ऋषिश्वर अर्यालको स्वागत तथा दिलुराम तिवारीको संचालनमा सम्पन्न भएको कार्यक्रममा शंकरनगर बन विहारका अध्यक्ष बाबुराम अर्याल, शंकरनगर दुर्गादत्त उच्चमाविका अध्यक्ष केशवराज न्यौपाने, शिक्षक संगठनका अञ्चल सदस्य मित्रलाल न्यौपाने, नेपाल शिक्षक मंचका जिल्ला अध्यक्ष राजेशमणि त्रिपाठी,यूनियनका पुर्व उपाध्यक्ष छवि नेपाल, संगठनका जिल्ला उपाध्यक्ष किरणदेवी खनाल,संगठनका जिल्ला सांस्कृतिक मंचका अध्यक्ष हरिनारायण चौधरी लगायतले मन्तव्य व्यक्त गर्नुभएको संगठनका जिल्ला सदस्य नरेन्द्र शर्माले जानकारी दिनुभयो ।

Posted by Butwalonline on 7:12 PM. Filed under Local News, News . You can follow any responses to this entry through the RSS 2.0. Feel free to leave a response