सन साईन भैरहवा दुई खेल जित्दै फाईनलमा प्रबेश
कपिलवस्तु, २८ कार्तिक,कपिलवस्तुको तौलिहवामा बिहीवार भएको अन्तर बिद्यालय क्षेत्रीय क्रिकेट प्रतियोगीता अन्र्तगत दुबै खेल रुपेन्देहीको भैरहवा स्थित सनसाईन उच्च माबिले जितेको छ । सो लगत्तै सन साईन शुक्रवार हुने छनौट चरणको फाईनलमा प्रबेश गरेको छ ।
पहिलो खेलमा उसले तौहिलवाको सनसाईन उच्चमाबिलाई ६५ रनले पराजित गरेको थियो । पहिला ब्याटिङमा उत्रिएको भैरहवा सनसाईनले निर्धारित १५ ओभरको खेलमा एक सय १० रन बनाएको थियो । प्रतिउत्तरमा तौहिलवाको सनसाईन ४५ रनमा समेटिएको थियो । सो खेलमा १२ रन बनाउदै चार बिकेट लिएका भैरहवा सनसाईनका सुमन अधिकारी मैन अफ द म्याच घोषित हुनु भएको थियो ।
यस्तै पाल्पाको क्याप्टेन र भैरहवा सनसाईन बिद्यालय बिच भएको अर्को खेल समेत सनसाईनले ७१ रनले जितेको थियो । निर्धारित १२ ओभरको खेलमा सनसाईनले बनाएको एक सय १८ रनको लक्ष्य पछ्याउनेक्रममा सेन क्याप्टेन ४८ रनमा सीमति बनेको थियो ।
खेलको कपिलवस्तु नगरपािलकाका कार्यकरी अधिकृत चिरी्न्जीवी सापकोटा र नेपाल क्रिकेट संघका केन्द्रिय सदस्य अनुप थपाले संयुक्तरुपमा उद्घाटन गर्नु भएको थियो । फाईनलमा बिजयी हुने टीमले राष्ट्रि स्तरको प्रतियोगीतमा सहभागी हुने संघका जिल्ला अध्यक्ष प्रकाश गरुेले जानकारी दिनु भयो ।
Posted by Butwalonline
on 6:36 PM. Filed under
