बेहुला मालेसिया, बेहुली नेपालमा मोवाइलवाटै विवाह सम्पन्न

नुवाकोट मंसिर ९ -  बेहुला मालेसिया, बेहुली नुवाकोट । तर पनि विवाह सम्पन्न भयो । झट्ट सुन्दा असम्भव जस्तो लाग्छ । तर केटाकेटीको कुरो मिलेपछि असम्भव भन्ने केही नहुँदो रहेछ । मोवाइलवाटै विवाहको सम्पूर्ण काम सम्पन्न हुने रहेछ । यस्तै भएको छ, नुवाकोटमा । रोजगारीका लागि मलेसिया पुगेका भाल्चे गाविस-८, नुचेतका २६ वर्षीयनाजुर तामाङ र सोही गाविस-२, भाल्चेबेँसीकी १९ वर्षीय प्रेममाया घलेवीच बैवाहिक कार्यक्रम सम्पन्न भएको हो ।

फेसवुकमा लामो समय चलेको च्याटले उनीहरुलाई विवाहको अवस्थासम्म पुर्‍याएको हो । बेहुलीको घरमा बेहुला पक्षका जन्तीसहित गएपनि बेहुलाभने थिएनन् । १३ जनाको नाजुरका इष्टमित्र र आफन्तहरु बेहुलीको घर पुगेपछि विवाह कार्यक्रम सुरु भएको थियो । विवाह कार्यक्रममा मलेसियामै रहेका बेशुला नाजुर निरन्त्र टेलिफोन सम्पर्कमा थिए । ‘बेहुलाले विवाह मण्डमा गर्नुपर्ने काम टेलिफोनवाटै भयो ।’ विवाहको चाँजोपाँजो मिलाएका खलेमान तामाङले भने,’केटा विदेशवाट आउन नभ्याउने भएपछि यसो गरिएको हो । लामो समयदेखि चलेको उनीहरुको प्रेम सम्बन्ध अन्ततः मागी विवाहमा परिणत भयो । सोही अनुसार शुक्रवार साँझ मलेसियामा रहेका नाजुरले टेलिफोनवाटै विवाहमा गर्नुपर्ने सबै कर्म गरेका थिए । विवाह मण्डपमा बेहुला नभएकेा विवाह अलिेसम्म नदेखेका खलेमानले यसपाला आफ्नै अग्रसरतामा यो विवाहको चाँजोपाँजो मिलाएका थिए । परिवारका अनुसार प्रेममाया साउदी अरबमाबसेर आएकी र नाजुर चार वर्षदेखि मलेसियामा छन् । साउदी अरब र मलेसिया बस्दा दवै प्रेममा बाँधिएपछि उनीहरु प्रणयसूत्रमा बाँधिने अबसर जुटेको हो । प्रेममाया छिट्टै मलेसिया जाने र औपचारिक श्रीमान/श्रीमतिको सम्बन्ध कायम राख्ने परिवारको भनाई छ ।
स्रोत :ऑनलाइन खबर