दशैं कप क्रिकेट प्रतियोगिताको उपाधि खुकुरी क्लव भैरहवालाई
माधव अर्याल,पाल्पा, १ कात्तिक – सदरमुकाम तानसेनको टुंडिखेलमा बुधबार सम्पन्न भएको दशैं कप खुल्ला क्रिकेट प्रतियोगिताको उपाधि खुकुरी क्लव भैरहवाले हात पार्न सफल भएको छ ।
प्रतियोगिताको फाईनलमा हाम्रो टिम पाल्पालाई २ विकेटले हराउदै खुकुरी क्लब भैरहवाले उपाधि हात पारेको हो । टस जितेर पहिलो व्याटिङ रोजेको हाम्रो टिमले निर्धातिर २० ओभरको खेलमा ९ बिकेट गुमाएर १०८ रन जोड्न सफल भयो । उसका लागि अमित ज्ञवालीले २९, विशाल दर्नालले १८, रजनमान शाक्यले १२ र रमेश पाण्डेयले १९ रन जोडे ।
वलिङतर्फ खुकुरी क्लबका अशोक क्षत्री, अशोक कटोरिया र हरि थापाले २ –२ विकेट झारे । १०९ रनको लक्ष्य लिएर मैदानमा उत्रेको खुकुरी क्लबले १८ ओभर ३ बलमा ८ विकेटको क्षतिमै आफ्नो लक्ष्य पुरा गर्न सफल भयो । उसका लागि शंकर रानाले ३०, नन्दन श्रेष्ठले १५, अन्तिम थापादले १४ र मानबहादुर थापाले ११ रन जोडे । वलिङ्तर्फ हाम्रो टिमका कृष्ण कार्कीले २ विकेट लिए ।
बिजेता खुकुरी क्लबले नगद २० हजार र ट्रफी प्राप्त गरे भने उपबिजेता हाम्रो टिमले नगद १० हजार पाए । उनीहरुलाई आयोजक जिल्ला क्रिकेट संघका अध्यक्ष राजेश श्रेष्ठ, नेपाल खेलकुद पत्रकार मन्च जिल्ला महासचिव माधब अर्याल र जिल्ला फुटवल संघका महासचिव भरत शर्माले पुरस्कार प्रदान गरे । यस्तै, उत्कृष्ट बलर र म्यान अफ दि सिरिजको उपाधि शिव भट्टराईले, उत्कृष्ट व्याट्स म्यान अमित ज्ञवाली भए । प्रतियोगितामा पाल्पाबाहेक रुपन्देही, गुल्मी र स्याङ्जाबाट समेतगरी १७ टिमको सहभागिता रहेको जिल्ला क्रिकेट संघका उपाध्यक्ष शैलेन्द्र भटराईले बताए ।
खुकुरी क्लवमा अन्र्तराष्ट्रिय प्रतियोगितामा समेत सहभागि अन्तिम थापा र सौरभ खनाल सहभागि थिए भने हाम्रो टिमका तर्फबाट समेत अन्र्तराष्ट्रिय प्रतियोगितामा सहभागि कृष्ण कार्की खेलेका थिए ।
Posted by Butwalonline
on 5:24 PM. Filed under
