शैक्षिक सत्र २०७० देखि उजिर सिंह माबि बुटवलले दश जोड दुईको कक्षा सञ्चालन गर्ने
विनोद परियार,बुटवल,१८ भदौ । उजिर सिंह माबि बुटवल २ ले आगामी पुस महिनामा मनाउने स्वर्ण महोत्सबको तयाीका लागि सचिबालयको उद्घाटन गरेको छ । स्वर्ण महोत्सबलाई सफलता पूर्वक मनाउनका लागि बिद्यालयमै स्थापना गरिएको सचिबालयको रुपन्देहीका जिल्ला शिक्षा अधिकारी झुम प्रसाद राईले उद्घाटन गर्नुभयो । उद्घाटनका क्रममा बोल्दै राईले रुपन्देहीको पुरानो बिद्यालयको रुपमा रहेको उजिर सिंहले समयानुकुल आफूलाई परिबर्तन गर्न नसकेकोले अब सबैले मिलेर बिद्यालयको स्तर बृद्धिमा लाग्नुपर्ने बताउनुभयो । उहाले स्वर्ण महोत्सबलाई सफल पारेपछि बिद्यालयले शैक्षिक भौतिक तथा आर्थिक रुपमा सबल बन्नका लागि ठोस योजना अगाडि सार्न आग्रह गर्नुभयो । बिद्यालयका अध्यक्ष रमेश नेपालको अध्यक्षतामा भएको कार्यक्रममा बोल्दै बिद्यालयका प्राचार्य मोहम्मद मोहबुब खांले बिद्यालयले शैक्षिक सत्र २०७० देखि बिद्यालयले दश जोड दुईको कक्षा सञ्चालन गर्ने जानकारी दिनुभयो । उहाले बिद्यालयको शैक्षिक भौतिक तथा आर्थिक रुपमा बलियो बनाउनका लागि सबैलाई सहयोगका लागि आग्रह गर्नुभयो ।
कार्यक्रममा बुटवल नगरपालिकाका बरिष्ठ अधिकृत भूवा प्रसाद लुईटेल,न्यू होराईज कलेजका अध्यक्ष बिमल बहादुर शाक्य,रुपन्देही उद्योग संघका अध्यक्ष तेज कुमार पाठक,सहायक प्रधानाध्यापक मित्रलाल भण्डारी,शिक्षक गौतमलाल शाक्य लगायतले बोल्नुभएको थियो । स्वर्ण महोत्सबका लागि बिद्यालयले ३ सय ५१ सदस्यिय मूल समारोह समिति र १ दर्जन उप समिति गठन गरेर कामलाई तिब्र पारेका छन् ।
Posted by Butwalonline
on 7:13 PM. Filed under
