गजल
सु- शान्तीको आभास छैन सवको ज्यान धराप मा छ।अधिकार को कुरै छोंडौ झन् संविधान धराप मा छ।
सयौं थुङ्गा फुलका हामी एउटै माला नेपाली हौं,
रिमिक्स हुन सक्छ यो पनि राष्ट्रिय गान धराप मा छ।
नेपाल आमाको छाती माथी परेड खेल्दैछन विदेशी,
हेर्नोस दशगजा अनि सुस्ता को मैदान धराप मा छ।
जसको दिमाग मा गोवर छ उसको हातमा सत्ता छ,
कस्ले वनाउने हो देश देशको स्वाभिमान धराप मा छ।
गुन्यौ चोली विर्सिईन उनी मिनिस्कर्ट नी हो की होईन,
विचरा उनको कामुक पहिरन मुस्कान धरापमा छ।
खोज आविस्कार गर्छ मान्छे सहज अनि विकासको निम्ती,
सुविधा संगै चुनौती पनि छन् विज्ञान धराप मा छ।
अशोक गौतम "क्षितिज"
Posted by Butwalonline
on 7:18 PM. Filed under
