नदीले बगाएर एक महिला बेपत्ता
चितवन (रत्ननगर), साउन २७ - त्रिशूली नदीमा नुहाउन गएकी एक महिला नदीले बगाएर बेपत्ता भएकी छिन्। चितवनको दाह्रेचोक गाविस-३ मुग्लिन बजार नजिक त्रिशूली नदीमा नुहाउन गएकी ती महिला डुबेर बेपत्ता भएकी मुग्लिन प्रहरीले जानकारी दिएको छ|
उनको खोजीका लागि डुङ्गासहितको टोली आज बिहानैदेखि नदीमा खोजतालासमा लागेको चितवन प्रहरीले जनाएको छ।
तनहुँ बन्दिपुर घर भई हाल मुग्लिन बजारमा वेल्डिङको मजदुरी गर्दै आएका राजु विककी श्रीमती अन्दाजी २५ वर्षीया विमला विकलाई साथीहरूसँगै नदीमा नुहाउने क्रममा नदीले बगाएर बेपत्ता बनाएको प्रत्यक्षदर्शीले जनाएका छन्। रासस(समाचार नागरिक न्यूज बाट)
Posted by Butwalonline
on 7:33 AM. Filed under
