काठमाण्डौंबाट एयर एसियाले अब सातामा तीन उडान गर्ने
काठमाण्डौं साउन १९ - एक महिनाअघि मात्र नेपाल उडान थालेको मलेसियाको बजेट एअरलाइन्स एयर एसियाले अब सातामा तीन उडान गर्ने भएको छ ।
एयर एशियाले आगामी सेप्टेम्बर १५-भदौ ३० देखि लागू हुनेगरि साताको एक उडान थप गरेर तीन पुर्याएको छ । एयर एसियाले एक बिज्ञप्ति जारी गरि उडान संख्या थप्न यात्रुहरुबाट माग भएपछि साताको तीन उडान पुर्याएको बताएको छ । हाल एयर एसियाले मंगलबार र बिहीवार साताको दुई उडान गर्दै आएको छ ।
एयर एसियाका लागि नेपालस्थित आधिकारीक प्रतिनिधि इन्सेन्टिभ टुर्स एण्ड ट्राभलका कार्यकारी अध्यक्ष हरिमान लामाले नेपाली यात्रुहरुबाट शनिवार पनि उडान थप्न तिब्र माग भएपनि सोहीअनुसार उडान थपिएको जानकारी दिनुभयो । शनिवार उडान थप्दा नेपाली श्रमिकहरुलाई सजिलो हुने उहाको भनाई छ । एयर एसियाले नेपाली श्रमिकलाई लक्षित गर्दै सवैभन्दा सस्तो दरमा टिकट उपलब्ध गराउदै आएको छ ।
स्रोत ऑनलाइन खबर
Posted by Butwalonline
on 8:30 AM. Filed under
