पोर्चुगलमा कारले ठक्कर दिँदा गुल्मीका बेगबहादुर थापाको मृत्यु
काठमाडौँ, मङ्सिर ४ - दक्षिणी को आल्भार्ग क्षेत्रमा तीब्र गतिमा हुइँकिएर आएको कारले ठक्कर दिँदा कामबाट साइकलमा फर्किरहेका गुल्मीका ४२ वर्षीय बेगबहादुर थापाको घटनास्थलमै मृत्यु भएको छ।
पुर्ख्यौली घर गुल्मी भएर पोर्चुगल आउनुअघि थापा बुटवलमा बसोबास गर्ने गरेको लक्ष्मण देवकोटाले जानकारी दिए। उनीसँगै श्रीमती लक्ष्मी थापा र नाबालक दुई छोराछोरी पनि आल्भार्गमा बस्दै आएका थिए। साइकलको निम्ति सुरक्षित बाटो नभएको गिया सपिङ क्षेत्रमा काम गर्ने थापा एक्लै घर फर्कँदै थिए।
भाइटीकाको दिन राति थापाको मृत्यु भएपनि भोलिपल्ट बेलुकी मात्रै परिवारले जानकारी पाएका थिए। घटनास्थलको अनुसन्धानमा संलग्न प्रहरीले रातो रङको कारले ठक्कर दिएको जानकारी पाए पनि कसैलाई पक्राउ गर्न नसकिएको बताएको देवकोटाले जनाए।
मृतकको दाहसंस्कार र आवश्यक क्षतिपूर्ति दिने प्रकृयामा सहयोग गर्न एनआरएन पोर्चुगलका कार्यवाहक अध्यक्ष डिलाराम चापागाईँको अध्यक्षतामा वे बहादुर सहयोग समिति बनेको छ।
स्रोत :नागरिक न्यूज
Posted by Butwalonline
on 6:55 PM. Filed under
News,
News Source
.
You can follow any responses to this entry through the RSS 2.0.
Feel free to leave a response
